புதுடெல்லி: உலகின் டாப் 100 தொழிலதிபர்களின் பட்டியல் தற்போது வெளியாகியுள்ளது. இந்த பட்டியலில் வணிக உலகில் முக்கிய பங்கு வகிக்கும் முன்னணி தொழிலதிபர்களின் பெயர்கள் உள்ளன.
ரிலையன்ஸ் இண்டஸ்ட்ரீஸ் நிறுவனத்தின் தலைவர் முகேஷ் அம்பானி 12வது இடத்தில் உள்ளார். இந்தப் பட்டியலில் இந்தியர்கள் மற்றும் இந்திய வம்சாவளியைச் சேர்ந்தவர்கள் உட்பட 7 பேர் இடம்பெற்றுள்ளனர், இது இந்தியாவின் வளர்ந்து வரும் வணிக சக்தி மற்றும் சர்வதேசப் புகழின் அடையாளமாகக் கருதப்படுகிறது.
பட்டியலில் முக்கிய இடம்பிடித்துள்ள மற்றொரு இந்தியர் மைக்ரோசாப்ட் தலைமை நிர்வாக அதிகாரி சத்யா நாதெல்லா 3வது இடத்தில் உள்ளார். கூகுள் சிஇஓ சுந்தர் பிச்சை 10வது இடத்தில் உள்ளார்.
மேலும், அடோப் சிஇஓ சாந்தனு நாராயண் 52வது இடத்திலும், யூடியூப் சிஇஓ நீல் மோகன் 69வது இடத்திலும், கோஸ்லா வென்ச்சர்ஸ் நிறுவனர் வினோத் கோஸ்லா 74வது இடத்திலும், ஐஸ் லிப்ஸ் பேஸ் சிஇஓ தரங் அமீன் 94வது இடத்திலும் உள்ளனர். சர்வதேச வர்த்தக அரங்கில் நீடித்த புகழ் மற்றும் திறமையை வெளிப்படுத்திய இந்திய தொழிலதிபர்கள் பட்டியலில் இடம்பெற்றுள்ளனர்.
