புதுடெல்லி: நைரோபியில் உள்ள ஜோமோ கென்யட்டா சர்வதேச விமான நிலையத்தை 30 ஆண்டுகளுக்கு இயக்க அதானி குழுமத்துடன் கென்யா அரசு ஒப்பந்தம் செய்துள்ளது.
இதை எதிர்த்து மனித உரிமை அமைப்பு தொடர்ந்த வழக்கை விசாரித்த உயர்நீதிமன்றம் ஒப்பந்தத்தை ரத்து செய்தது. மேலும், அதானி குழுமத்துடன் மின்சாரம் கடத்துவது தொடர்பாக கென்யா அரசு ஒப்பந்தம் செய்துள்ளதாக நேற்று தகவல் வெளியாகியுள்ளது.
இதை எதிர்த்து போராட்டம் நடந்து வருகிறது. இந்நிலையில் அதானி குழுமத்தின் பெயரில் ஒரு செய்தி ஊடகங்களில் வெளியானது.
அதில், “கென்ய அரசின் திட்டங்களை நாங்கள் முறையாகப் பெற்றுள்ளோம். ஆனால் எங்கள் நிறுவனத்தின் நற்பெயருக்கு களங்கம் ஏற்படுத்தும் வகையில் போராட்டம் நடந்து வருகிறது. இதே நிலை நீடித்தால் எங்கள் நிறுவனத்தில் லஞ்சம் பெற்றவர்களின் பெயர்களை வெளியிடுவோம்.
இதையடுத்து, அதானி குழுமம் நேற்று வெளியிட்ட அறிக்கையில், “எங்கள் நிறுவனத்தின் பெயரில் ஊடகங்களில் வெளியான செய்தி போலியானது. இதுபோன்ற செயல்களில் ஈடுபடுவோர் மீது சட்டப்படி நடவடிக்கை எடுக்கப்படும்.
எங்களது நிறுவன அறிக்கைகள் எங்கள் இணையதளத்திலும் உள்ளன. அதை சரிபார்த்த பிறகே எங்கள் நிறுவனம் தொடர்பான செய்திகளை ஊடகங்கள் வெளியிட வேண்டும்.
