புதுடெல்லி: உத்தரபிரதேச மாநிலம் பிரயாக்ராஜ் நகரில் 144 ஆண்டுகளுக்கு பிறகு மகா கும்பமேளா நடைபெறுகிறது. கடந்த 13-ம் தேதி திரிவேணி சங்கம கரையில் திருவிழா துவங்கியது. இதில், மகர சங்கராந்தி, மகா பௌர்ணமி, மௌனி அமாவாசை, வசந்த பஞ்சமி, மகா சிவராத்திரி என மொத்தம் 6 வகையான ராஜ நீராடுதல் நடக்கிறது. இவற்றின் 5-வது புனித நீராடல் கடந்த 3-ம் தேதி வசந்த பஞ்சமி அன்று நிறைவடைந்தது.
இதைத் தொடர்ந்து மகா கும்பமேளாவில் ஆகாதங்களில் பறக்கும் ஆன்மிகக் காவிக்கொடிகளின் உயரத்தைக் குறைத்துள்ளனர் துறவிகள். மொத்தமுள்ள 13 அகாதங்களில், 3 பெரிய பிரிவுகள் உள்ளன. இவர்களில் 7 பேர் சைவர்கள், 3 பேர் வைராகிகள், 3 பேர் உதாசிகள். காசி விஸ்வநாதரை தரிசனம் செய்ய 7 சைவர்கள் வாரணாசி செல்கின்றனர். பிப்ரவரி 26-ம் தேதி மகா சிவராத்திரி அன்று காசியில் பிரமாண்ட ஊர்வலம் நடத்துகிறார்கள்.
இந்த அகாதங்களில் சிலர் 15-ம் தேதி ஹரித்வாரில் சிவனை தரிசனம் செய்ய உள்ளனர். அதன் பிறகு, துறவிகள் ஹோலி கொண்டாடி தங்கள் முகாம்களுக்குத் திரும்புவார்கள். உதாசியும் சில வைஷ்ணவ அகாதங்களும் அயோத்தி ராமர் கோயிலுக்குச் செல்வார்கள். இதனால், மஹா கும்பமேளா கூட்டம் குறைவாக இருந்தாலும், மகா சிவராத்திரிக்குப் பிறகுதான் நிறைவு பெறும். இந்த நாளில் ஏராளமான பக்தர்கள் ராஜ நீராட வருவார்கள் என எதிர்பார்க்கப்படுகிறது. இதற்கிடையில், வரும் 7-ம் தேதி அகதாஸுக்கு புதிய தலைவர்கள் தேர்வு நடக்கிறது.
அகாதாக்களால் நிர்வகிக்கப்படும் கோயில்களுக்கான மஹந்த்கள் எனப்படும் முதன்மை பண்டிதர்களும் அன்று தேர்ந்தெடுக்கப்படுவார்கள். இந்த சடங்கிற்குப் பிறகு, அவர்கள் மத மரபுப்படி கடி மற்றும் பகோடி (மோர்க்குழம்பு மற்றும் பக்கோடா வகை) தயாரித்து சாப்பிட்டுவிட்டு பிரயாக்ராஜை விட்டு வெளியேறுவார்கள். 12 ஆகதங்களில் சைவ அகாதங்கள் மிகவும் சக்தி வாய்ந்ததாகக் கருதப்படுகிறது.
ஏனென்றால், அவர்களிடம் போர்வீரர்களாகக் கருதப்படும் நாகா துறவிகள் உள்ளனர், மேலும் அவர்களின் மடங்களுக்கும் கோயில்களுக்கும் ஏராளமான சொத்துக்கள் உள்ளன. அகதாக்களுக்கு நாடு முழுவதும் பல கோடி ஏக்கர் நிலம் உள்ளது என்பது குறிப்பிடத்தக்கது.
