சென்னை: பஞ்சாப் முதல்வர் பகவந்த் மான் தலைமையில் நடைபெற்ற தொகுதி எல்லை நிர்ணயம் தொடர்பான கூட்டு நடவடிக்கைக் குழு கூட்டத்தில் முதல்வர் பகவந்த் மான் கலந்து கொண்டார். கூட்டத்தில் அவர் பேசுகையில், ”வெற்றி பெறும் மாநிலங்களில் லோக்சபா தொகுதிகளை அதிகரிப்பதும், தோற்கும் மாநிலங்களில் தொகுதிகளை குறைப்பதும் தான், பா.ஜ.க.,வின் நோக்கம். அதன்படி, பஞ்சாபில் மக்களவைத் தொகுதிகளும் குறைக்கப்படும்.
ஏனென்றால் பஞ்சாபில் பாஜக வெற்றி பெறாது. இந்த எல்லை நிர்ணயத்தால் இந்தி பேசும் மாநிலங்கள் மட்டுமே பயனடையும். முன்னதாக, கேரள முதல்வர், “தற்போதைய எல்லை நிர்ணய நடவடிக்கையால் வட இந்தியாவுக்குப் பலன் கிடைக்கும் என்பதை அறிந்த மத்திய அரசு, இதை முன்னெடுத்துச் செல்லப் பார்க்கிறது. ஒருபுறம், மக்கள் தொகையை நல்ல முறையில் கட்டுப்படுத்திய தென் மாநிலங்களை மத்திய அரசு பாராட்டுகிறது.
ஒடிசா முன்னாள் முதல்வர் நவீன் பட்நாயக் வீடியோ கான்பரன்சிங் மூலம் பேசுகையில், “மக்கள்தொகையைக் கட்டுப்படுத்துவதிலும், நிலைப்படுத்துவதிலும் சிறப்பாகச் செயல்பட்ட மாநிலங்களில் வாழும் மக்களின் ஜனநாயகப் பிரதிநிதித்துவம் மற்றும் உரிமைகளை உறுதி செய்வதற்கான முக்கியமான கூட்டம் இது. மக்கள்தொகை அடிப்படையில் மட்டும் தொகுதிகளை மறுவரையறை செய்வது நியாயமற்றது” என்று கூறியிருந்தார்.
தலைவர்களை வரவேற்று, தமிழக முதல்வர் மு.க. ஸ்டாலின், “தொகுதி வரையறையை தமிழகம் எதிர்க்கவில்லை. நியாயமாக நடத்த வலியுறுத்துகிறது. மக்கள்தொகை அடிப்படையிலான தொகுதி நிர்ணயம் தென் மாநிலங்களை கடுமையாக பாதிக்கும். நீண்டகாலமாக பாதுகாக்கப்பட்டு வரும் நமது சமூக நீதி பாதிக்கப்படும். அதை தடுக்கவும், இந்திய ஜனநாயகத்தை பாதுகாக்கவும் நாங்கள் இங்கு கூடியுள்ளோம்” என ஸ்டாலின் கூறியுள்ளார்.
