மகாராஷ்டிர சட்டசபை தேர்தலில் பாஜக கூட்டணி அமோக வெற்றி பெற்றுள்ளது. மகாராஷ்டிராவில் மொத்தமுள்ள 288 தொகுதிகளில் பாஜக கூட்டணி 200க்கும் மேற்பட்ட இடங்களில் முன்னிலை வகிக்கிறது. இதில், பாஜக தனித்து 127 இடங்களில் வெற்றி பெற்று, ஆளும் மகாயுதி கூட்டணியை தக்கவைத்துள்ளது.
பாஜக கூட்டணி கட்சியினர் இனிப்புகள் வழங்கி பட்டாசு வெடித்து கொண்டாடினர். மகாராஷ்டிர முதல்வர் ஏக்நாத் ஷிண்டே வாக்காளர்களுக்கு நன்றி தெரிவித்துள்ளார். அவர் கூறியதாவது: இந்த வெற்றி மகத்தான வெற்றி. மஹாயுதி கூட்டணி வெற்றி பெறும் என முன்பே கூறியிருந்தேன். இதன் மூலம் அனைவருக்கும் நன்றி தெரிவித்துக் கொள்கிறேன். சமூகத்தின் அனைத்து தரப்பினருக்கும் எனது நன்றிகள்.
இதையடுத்து, துணை முதல்வர் தேவேந்திர ஃபட்னாவிஸ், “மோடி என்ற நபர் இருக்கும் வரை எதுவும் சாத்தியம்” என சமூக வலைதளங்களில் பதிவிட்டு, அரசியல் உலகில் பெரும் கவனத்தைப் பெற்றுள்ளார்.
பா.ஜ.க மற்றும் அதன் கூட்டணி கட்சிகளுக்கு மக்கள் ஆதரவு கிடைத்துள்ளது, மேலும் இந்த வெற்றி அரசியல் மாற்றங்களை ஏற்படுத்தும் என எதிர்பார்க்கப்படுகிறது.
