ராமேஸ்வரம்: ராமேஸ்வரம் அருகே பாம்பன் கடலில் புதிதாக கட்டப்பட்டுள்ள ரயில்வே பாலத்தின் கப்பல் கால்வாய் பகுதியில் தொங்கு பாலம் அமைக்கும் பணி கடந்த ஜூலை மாதம் நடைபெற்றது. கால்வாயின் குறுக்கே 700 டன் எடையுள்ள தொங்கு பாலத்தை நகர்த்துவதற்காக கடலில் தற்காலிக இரும்பு தூண்கள் அமைக்கப்பட்டன.
இதன் காரணமாக பணிகள் முடியும் வரை கால்வாய் கடல் வழியாக விசைப்படகுகள் மற்றும் கப்பல்கள் செல்ல தடை விதித்து ரயில்வே நிர்வாகம் அறிவித்தது. இதனால் பழைய தூர்வாரும் தூக்குபாலமும் மூடப்பட்டது. அதைத் தொடர்ந்து புதிய செங்குத்து தொங்கு பாலம் கடலுக்குள் நிறுத்தி வைக்கப்பட்ட இரும்பு தூண்கள் வழியாக நகர்த்தப்பட்டு வெற்றிகரமாக பாலத்துடன் இணைக்கப்பட்டது.
தற்போது புதிய ரயில்வே பாலம் முழுவதுமாக கட்டி முடிக்கப்பட்டுள்ளதால், நான்கு மாதங்களாக கால்வாயில் கடலில் தேங்கி இருந்த இரும்பு தூண்கள் முற்றிலும் அகற்றப்பட்டுள்ளன. இதைத்தொடர்ந்து நேற்று மண்டபம் வடக்கு ஜெட்டி பாலத்தில் இருந்து ஐந்து சிறிய விசைப்படகுகள் தொங்கு பாலத்தின் கீழ் சென்று தென்கடல் பகுதிக்கு சென்றன.
புதிய ரயில் பாலம் திறக்கப்பட்ட பின், தடை நீக்கப்பட்டு, கால்வாய் கடலில் கப்பல்கள் செல்ல அனுமதிக்கப்படும்.
