புதுடில்லி: வாகனங்களுக்கான ‘பான்சி’ பதிவு எண் பெற, டில்லியில் நடந்த ஏலத்தில், 0001 என்ற எண், 23.4 லட்ச ரூபாய்க்கு ஏலம் போனது. வாகனங்களுக்கான பான் பதிவு எண்களைப் பெறுவதற்கு போக்குவரத்துத் துறை ‘ஆன்லைன்’ ஏலத்தை நடத்துகிறது. குறைந்தபட்ச ஏலத்தொகை 1 லட்சம் ரூபாய்க்கு மேல் உள்ள பதிவு எண்களுக்கு ஒவ்வொரு மாதமும் முதல் வாரத்திலும் மற்ற எண்களுக்கு வாராந்திர அடிப்படையிலும் ஏலம் நடத்தப்படுகிறது. இந்த ஆன்லைன் ஏல முறை 2014 முதல் அமலில் உள்ளது.
கடந்த ஜனவரி முதல் ஜூன் வரை டெல்லி போக்குவரத்து துறை நடத்திய ஏலத்தில் பெரும்பாலான வாகன ஓட்டிகள் விரும்பும் 0001 பதிவு எண்ணின் ஆரம்ப விலை ரூ.5 லட்சமாக நிர்ணயிக்கப்பட்டது. இந்த எண் இறுதியாக 23.4 லட்சம் ரூபாய்க்கு ஏலம் போனது. ரகசியம் காக்கப்படுவதால் ஏலம் எடுத்தவரின் விவரங்கள் வெளியிடப்படவில்லை.
இதற்கு அடுத்தபடியாக கடந்த ஜூன் மாதம் 0009 என்ற பதிவு எண் ரூ.11 லட்சத்திற்கும், ஜனவரியில் ரூ.10.8 லட்சத்துக்கும் ஏலம் போனது. இதுபோன்ற எண்களை அரசியல் கட்சி தலைவர்கள், அமைச்சர்கள், உயர் அதிகாரிகள் ஏலம் விடுவதாக போக்குவரத்து துறை அதிகாரிகள் தெரிவித்தனர்.
பொதுவாக இதுபோன்ற ஏலங்களில் 0002 முதல் 0009 வரையிலான எண்களின் ஆரம்ப விலை ரூ.3 லட்சமாக நிர்ணயிக்கப்படுகிறது. அதன் பிறகு, 0010 முதல் 0099 வரையிலான எண்களின் ஆரம்ப விலை ரூ.2 லட்சம். 0100, 1111, 0300, 0333 உள்ளிட்ட எண்களின் ஆரம்ப விலை 1 லட்சம். முஸ்லிம்களால் புனிதமாகக் கருதப்படும் 0786 உள்ளிட்ட எண்களை அவர்கள் விரும்பும் வரிசையில் பெற ரூ.25,000 விலை வசூலிக்கப்படுகிறது.
