ஐக்கிய அரபு அமீரகம் (UAE) இந்திய மக்களுக்கான விசா-ஆன்-அரைவல் முறையை 2025 பிப்ரவரி 13 முதல் விரிவாக்கியுள்ளது. இப்போது, சிங்கப்பூர், ஜப்பான், தென் கொரியா, ஆஸ்திரேலியா, நியூசிலாந்து மற்றும் கனடா ஆகிய ஆறு நாடுகளில் இருந்து இந்தியர்களுக்கு UAE வந்தவுடன் விசாவை எளிதாகப் பெற முடியும். இது UAE அரசின் புதிய திட்டமாக அறிமுகப்படுத்தப்பட்டுள்ளது, ஏனெனில் இந்தியர்கள் பெரும்பாலும் UAE வழியாக வெளிநாட்டுக்கு பயணம் செய்கின்றனர்.
இந்த புதிய மாற்றம், UAE க்கான பயணிகள் மற்றும் வணிக பயணிகளுக்கு முக்கியமாக அமையும். பெரும்பாலான இந்தியர்கள் அமெரிக்கா அல்லது ஐரோப்பா செல்லும் முன் துபாய், அபுதாபி அல்லது ஷார்ஜாவில் விமானத்தை மாற்றி, ஷாப்பிங் அல்லது வணிக கூட்டங்களை நடத்துகின்றனர். இதனால் UAE, ஒரு முக்கிய சுற்றுலா மற்றும் வணிக மையமாக மாறியுள்ளது.
மேலும், இந்த விசா விதி, அமெரிக்கா, ஐரோப்பிய நாடுகள் மற்றும் யுனைடெட் கிங்டம் போன்ற நாடுகளுக்கே மட்டுமே வழங்கப்பட்டிருந்தது, ஆனால் இப்போது 6 புதிய நாடுகள் இணைக்கப்பட்டுள்ளன. இந்த மாற்றம் இந்தியா மற்றும் UAE இடையிலான பயணங்களை எளிதாக்கும் வகையில் உருவாக்கப்பட்டுள்ளது. விசா பெறுவதற்கான அடிப்படை நிபந்தனை, இந்தியப் பயணிகள் UAE இல் நுழைந்த நாளிலிருந்து குறைந்தது ஆறு மாதங்கள் செல்லுபடியாகும் பாஸ்போர்ட்டை வைத்திருக்க வேண்டும்.
இந்த புதிய விசா முறையில், 100 திராஹாம் செலுத்தி 14 நாள் விசா பெறலாம், மேலும் 250 திராஹாம் கட்டினால் அந்த விசாவை 14 நாட்களுக்கு நீட்டிக்க முடியும். நீண்டகால தங்குதவைக்கு 250 திராஹாம் கட்டி 60 நாள் விசா பெற முடியும். 1 திராஹாம்-ன் மதிப்பு சுமார் 23.62 ரூபாயாக உள்ளது.
