பெங்களூரு: குளிரால் பெங்களூரு மக்கள் தவித்து வருகின்றனர். ஸ்வெட்டர், குல்லா அணிந்து வெளியே செல்கிறார்கள். நெருப்பு மூட்டுவதன் மூலம் அவர்கள் தங்களை சூடாக வைத்திருக்கிறார்கள். கர்நாடகாவின் தலைநகரான பெங்களூரு, ‘சிட்டி ஆஃப் கூல்’ என்றும் அழைக்கப்படுகிறது.
ஆனால், பல்வேறு திட்டங்களுக்காக மரங்கள் வெட்டப்பட்டதால், பெங்களூரு சில ஆண்டுகளாக குளிர்ச்சியை இழந்துள்ளது. முந்தைய பெங்களூருக்கும் டிசம்பர்-ஜனவரியில் இருக்கும் பெங்களூருக்கும் நிறைய வித்தியாசம் இருப்பதாக மக்கள் சொல்வார்கள்.
இந்நிலையில், இந்தாண்டு கடந்த மாதம் முதல், நகரில் கடும் குளிர் நிலவுகிறது. குறிப்பாக அதிகாலையில் பனிமூட்டமாக இருக்கும். காலை, 7:00 மணிக்கும், வாகன ஓட்டிகள், முகப்பு விளக்கை எரிய வைத்து வாகனங்களை ஓட்டுகின்றனர்.
தற்போது அதிகபட்ச வெப்பநிலை 27 டிகிரி செல்சியஸ் ஆகவும், குறைந்தபட்சமாக 14 டிகிரி செல்சியஸ் ஆகவும் உள்ளது. அதிகாலையில் நடைபயிற்சி மேற்கொள்பவர்கள் ஸ்வெட்டர் மற்றும் குல்லா அணிந்து செல்கின்றனர். பல இடங்களில் நெருப்பு மூட்டி சூடு வைத்துக் கொள்கிறார்கள்.
