புதுடெல்லி: வட மாநிலங்களில் இன்று தொடங்கும் நவராத்திரி நாட்களில் கர்பா எனப்படும் கோலாட்ட நடனங்கள் ஆடப்படுவது வழக்கம். இந்நிகழ்வு நள்ளிரவிலும், பகலில் சில மணி நேரங்களிலும் நடைபெறும்.
இதில் முகம் தெரியாத இளைஞர்களுடன் நடனமாடும் இளம்பெண்கள் உள்ளனர். இந்துக்கள் மட்டுமே அனுமதிக்கப்படும் திட்டத்தில் முஸ்லிம் இளைஞர்களும் நுழைவதாக புகார் எழுந்துள்ளது.
இதை தடுக்க, ஒவ்வொரு ஆண்டும் புதிய உத்தியை அமைப்பாளர்கள் கடைபிடிக்கின்றனர். இந்தூர் ஊரக மாவட்ட பாஜக தலைவர் சிந்து வர்மா, இந்த ஆண்டு அதற்கான ஒரு சர்ச்சைக்குரிய யோசனையை கூறியுள்ளார்.
இந்த ஆண்டு கர்ப பந்தலுக்குள் நுழையும் முன் வழங்கப்படும் பிரசாதத்தில் மாற்றம் செய்ய வேண்டும். இதில் குடிப்பதற்காக வரும் அனைவருக்கும் நமது கோமாதா பசுவின் கோமியத்தை வழங்க வேண்டும். இதனுடன் திலகம் நெற்றியில் சந்தனம் பூச வேண்டும்.
தற்போது கர்பா பந்தலுக்கு ஆதார் அட்டை மூலம் அனுமதி வழங்கப்படுகிறது. இந்த அட்டையை மார்பிங் செய்வதன் மூலமும் பெயர்களை மாற்றலாம். எனவே பசுவின் கோமியத்தை அருந்தினால் கர்பா பந்தலில் பாதுகாப்பு கிடைக்கும்.
இதை குடிக்காதவர்களை உள்ளே அனுமதிக்கக் கூடாது’’ என்றார். பாஜக தலைவரின் இந்த அறிவிப்பை காங்கிரஸ் முன்னாள் அமைச்சரும் தற்போதைய எம்எல்ஏவுமான உஷா தாக்கூர் வரவேற்றுள்ளார்.
சனாதனத்தில் நம்பிக்கை உள்ளவர்களுக்கு இது நல்ல யோசனையாகும்.
கோமியத்தை அருந்துவதால் நோய்கள் நீங்கி உடலும், இருப்பிடமும் சுத்தமாகும். சாங்கியத்தின்படி 21 வஸ்திரங்களில் கோமியம் வடிகட்டுவது நல்லது. இந்த கர்பா நடனம் குஜராத்தில் மட்டுமே நிகழ்த்தப்பட்டது. பாலிவுட் படங்களில் இடம்பெற்றதன் விளைவாக இது மற்ற மாநிலங்களுக்கும் பரவியது.
கர்பா நடனம் ஆடச் செல்லும் பெண்களை இளைஞர்கள் கவர முயல்கின்றனர். இதைத் தடுக்க, சிறுமிகளின் பெற்றோர்கள் தனியார் புலனாய்வு அமைப்புகளை நாடுகின்றனர்.
