இந்தியாவில் கொரோனா தொற்றின் எண்ணிக்கை மீண்டும் அதிகரிக்கத் தொடங்கியுள்ளது. தற்போதைய நிலவரப்படி, நாடு முழுவதும் பாதிக்கப்பட்டோரின் மொத்த எண்ணிக்கை 2,710 ஆக உயர்ந்துள்ளது. அதிலும் குறிப்பாக ஒரே நாளில் 511 புதிய நோயாளிகள் பதிவாகியுள்ளனர். இதனையடுத்து, மத்திய சுகாதாரத்துறை தீவிர கண்காணிப்பு நடவடிக்கையில் ஈடுபட்டு வருகிறது.
கொரோனா நோய் உலகில் முதன்முதலாக 2019 ஆம் ஆண்டு பிப்ரவரியில் சீனாவில் பரவத் தொடங்கியது. அத்துடன், உலக நாடுகள் முழுவதும் பந்தயமாக நோய் பரவியது. இந்தியாவும் இதில் விலகாது, பெருமளவுக்கு பாதிக்கப்பட்டது. ஆரம்ப காலங்களில் நோயின் தாக்கம் காரணமாக மருத்துவமனைகள் பரபரப்பாக இயங்கி, சிகிச்சை அளிக்க முடியாத அளவுக்கு நிலைமை மோசமாகிவிட்டது. உலக சுகாதார அமைப்பும் (WHO) பல கட்டுப்பாடுகளை அறிவுறுத்தியது. சமூக இடைவெளி, மாஸ்க் கட்டாயம், ஊரடங்கு என பொதுமக்களின் வாழ்க்கை முறையே மாறியது.
பின்னர், பல்வேறு ஆய்வுகளின் அடிப்படையில் தடுப்பூசியை கண்டறிந்து, பொதுமக்களுக்கு வழங்கப்பட்டது. இதனால் கொரோனாவின் தாக்கம் குறைந்தது. ஆனாலும், 2023ல் இரண்டாவது அலையாக மீண்டும் பரவிய கொரோனா, மூன்றாவது மற்றும் நான்காவது அலையாகவும் தாக்கியதில் அதன் வெறித்தனமான பரவல் தெளிவாக தெரிவது போலிருந்தது. கட்டுப்பாடுகள் மெதுவாக நீக்கப்பட்ட நிலையில், மக்கள் இயல்பு வாழ்க்கைக்கு திரும்பினர்.
எனினும், தற்போது மீண்டும் சில நாடுகளில் கொரோனா பரவல் அதிகரித்து வருகிறது. சிங்கப்பூர், தாய்லாந்து மற்றும் ஹாங்காங்கில் பரவல் தீவிரமடைந்த நிலையில், இந்தியாவிலும் அந்த பாதிப்பு காணப்படுகின்றது. சிங்கப்பூரில் மட்டும் 14,000 பேர் பாதிக்கப்பட்டுள்ளனர். தாய்லாந்து மற்றும் ஹாங்காங்கில் 3 லட்சத்திற்கும் மேற்பட்டோர் இந்த நோயால் பாதிக்கப்பட்டுள்ளனர்.
இந்தியாவின் பல மாநிலங்களில் கொரோனா மீண்டும் அதிகரித்து வருகிறது. தமிழ்நாட்டில் தற்போது 148 பேர் கொரோனாவால் பாதிக்கப்பட்டுள்ளனர். இதில் ஒரே நாளில் 27 பேர் புதிதாக நோய்தொற்று அடைந்துள்ளனர். மேலும், சென்னையில் ஒருவர் உயிரிழந்துள்ள நிலையில், இது மக்கள் கவலையை அதிகரிக்கிறது.
மகாராஷ்டிரா, டெல்லி, குஜராத் போன்ற மாநிலங்களில் 100க்கும் மேற்பட்டோர் தொற்றுக்கு உள்ளாகியுள்ளனர். குறிப்பாக, கேரளாவில் இந்த எண்ணிக்கை வேகமாக உயர்ந்துள்ளது. தற்போதைய தகவலின்படி, கேரளாவில் 1,147 பேர் பாதிக்கப்பட்டுள்ளனர். ஒரே நாளில் அங்கு 227 பேர் புதிதாக தொற்று அடைந்துள்ளனர்.
இந்தியாவில் தற்போது ஏற்பட்டுள்ள புதிய கொரோனா அலையை மத்திய அரசு மிகவும் தீவிரமாக எடுத்துக்கொண்டு கண்காணித்து வருகிறது. தொற்று பரவலை கட்டுப்படுத்தும் நடவடிக்கைகள் தீவிரமாக முன்னெடுக்கப்படுகின்றன. மக்கள் மத்தியில் மீண்டும் விழிப்புணர்வு ஏற்படுத்தும் நோக்கத்துடன் சுகாதாரத்துறை பல முன்னெச்சரிக்கை நடவடிக்கைகளை மேற்கொண்டு வருகிறது.
