புது டெல்லி: இது தொடர்பாக, மத்திய வெளியுறவு அமைச்சகம் நேற்று முன்தினம் வெளியிட்ட அறிக்கையில் கூறியதாவது:- அமெரிக்காவும் சில ஐரோப்பிய நாடுகளும் ரஷ்யாவிலிருந்து கச்சா எண்ணெய் வாங்குவதற்காக இந்தியாவை தொடர்ந்து குறிவைத்து வருகின்றன.
இந்தியாவிற்கு கச்சா எண்ணெய் வழங்கி வந்த நாடுகள் உக்ரைன் போருக்குப் பிறகு ஐரோப்பிய நாடுகளுக்கு கச்சா எண்ணெய் வழங்கத் தொடங்கியுள்ளன. அந்த நேரத்தில், நாங்கள் ரஷ்யாவிலிருந்து கச்சா எண்ணெயை இறக்குமதி செய்து கொண்டிருந்தோம். அமெரிக்காவும் இதை ஆதரித்தது. சர்வதேச சந்தையில் கச்சா எண்ணெய் விலை உயர்வைத் தடுக்க இந்தியாவை ஆதரிப்பதாக அமெரிக்கா கூறியது.
இது தொடர்பாக, இந்தியாவை குற்றம் சாட்டும் நாடுகள் ரஷ்யாவுடன் தொடர்ந்து வர்த்தகம் செய்து வருகின்றன. 2023-ம் ஆண்டில், ஐரோப்பிய ஒன்றியம் ரஷ்யாவுடன் 17.2 பில்லியன் யூரோக்கள் மதிப்புள்ள இருதரப்பு வர்த்தகத்திலும், 2024-ம் ஆண்டில் 67.5 பில்லியன் யூரோக்கள் மதிப்புள்ள வர்த்தகத்திலும் ஈடுபட்டது.
இந்த சூழலில், இந்தியா ரஷ்யாவிலிருந்து கச்சா எண்ணெயை இறக்குமதி செய்வதாகக் குற்றம் சாட்டுவது நியாயமற்றது மற்றும் ஏற்றுக்கொள்ள முடியாதது. அமெரிக்காவும் ஐரோப்பிய நாடுகளும் இரட்டை வேடம் போடுகின்றன. நாட்டின் நலன்களையும் பொருளாதார பாதுகாப்பையும் உறுதி செய்ய தேவையான அனைத்து நடவடிக்கைகளையும் இந்தியா எடுக்கும். இவ்வாறு அதில் கூறப்பட்டுள்ளது.
