புவனேஸ்வர்/கொல்கத்தா: வங்கக் கடலில் டானா புயல் கரையை கடந்தது. இது நேற்று இரவு தொடங்கி இன்று அதிகாலை வரை கரையை கடந்தது. இது வடக்கு ஒடிசா கடற்கரை அருகே பிதர்கனிகா மற்றும் தாமரா இடையே அதிகாலையில் கடுமையான புயலாக கரையை கடந்தது. அப்போது மணிக்கு 120 கி.மீ வேகத்தில் பலத்த காற்று பலத்த புயலாக கரையை கடந்தது.
புயல் கரையை கடந்த 6 மணி நேரம் ஒடிசா மற்றும் மேற்கு வங்க மாநிலங்களில் பலத்த காற்றுடன் கனமழை பெய்தது. ஒடிசாவின் ஜகத்சிங்பூர், கேந்திரபாரா, பத்ரக் மற்றும் பால்சோர் மாவட்டங்களில் தொடர்ந்து கனமழை பெய்து வருகிறது. தீவிர புயல் கரையை கடக்கும்போது, மேற்கு-வடமேற்கு திசையில் நகர்ந்து, படிப்படியாக வலுவிழந்து, காலைக்குள் புயலாக மாறும் என இந்திய வானிலை ஆய்வு மையம் தெரிவித்துள்ளது.
முன்னதாக, டானா புயல் காரணமாக ஒடிசாவின் 3 கடலோர மாவட்டங்கள் கடுமையாக பாதிக்கப்பட வாய்ப்புள்ளது. 14 மாவட்டங்களில் இருந்து 10 லட்சம் மக்களை அரசு வெளியேற்றி பாதுகாப்பான இடங்களில் தங்க வைத்துள்ளது. அவர்களுக்கு உணவு பொருட்கள் வழங்க ஏற்பாடு செய்யப்பட்டுள்ளது. ஒடிசா மாநிலம் பூரியில் உள்ள 12-ம் நூற்றாண்டைச் சேர்ந்த ஜெகநாதர் கோயிலை டானா புயல் பாதிப்பில் இருந்து பாதுகாக்க கோயில் நிர்வாகம் நடவடிக்கை எடுத்துள்ளது. இந்நிலையில், புயலுக்குப் பிந்தைய மீட்பு மற்றும் நிவாரணப் பணிகள் தொடர்பாக அரசு உயர் அதிகாரிகளுடன் முதல்வர் மோகன் சரண் ஆலோசனைக் கூட்டம் நடத்தியுள்ளார்.
புயல் கரையைக் கடந்த பிறகு ஏற்பட்ட சேத விவரங்கள் மற்றும் மீட்பு மற்றும் நிவாரணப் பணிகள் குறித்து அவர் இன்று காலை ராஜீவ் பவனில் அதிகாரிகளுடன் ஆலோசனை நடத்தினார். ஒடிசாவில் புயல் பாதித்த பகுதிகளில் உள்ள கல்வி நிறுவனங்களுக்கு இன்று விடுமுறை அறிவிக்கப்பட்டுள்ளது. புயல் கரையை கடந்ததால் ஒடிசாவின் பிஜு பட்நாயக் சர்வதேச விமான நிலையத்தில் காலை 8 மணி முதல் விமான போக்குவரத்து சேவைகள் மீண்டும் தொடங்கப்பட்டுள்ளன.
ஒடிசா ஹெல்ப்லைன் எண்கள்: பாலாசூர்: 06782-262286 / 261077 மயூர்பஞ்ச்: 06792-252759 / 252941 பத்ரக்: 06784-251881 ஜாஜ்பூர்: 06728-222648 K822648 K7526 437 ஜகத்சிங்பூர்: 06724-220368 கட்டாக்: 0671-2507842 தேன்கானால் : 06762 -226507 / 221376 பூரி: 06752-223237 BMC (BBSR) கட்டணமில்லா சேவை எண்-1929 அவசர உதவி எண்: 112 புயல் தொடர்பான உதவி எண்களை ஒடிசா அரசு அறிவித்துள்ளது.
டானா புயல் காரணமாக மேற்கு வங்கத்தில் பலத்த காற்றுடன் கனமழை பெய்தது. புர்பா மிட்னாபூரில் உள்ள திகா கடற்கரை கடல் சீற்றத்தால் பாதிக்கப்பட்டது. ஹவுராவில் உள்ள மாநில அவசர கட்டுப்பாட்டு அறையில் தங்கி, முதல்வர் மம்தா புயலின் நகர்வை கண்காணித்து, அதிகாரிகளுக்கு தேவையான உத்தரவுகளை பிறப்பித்தார். கொல்கத்தா மாநகராட்சி, விழுந்து கிடக்கும் மரங்களை அகற்றி, சாலைகளில் தேங்கி நிற்கும் தண்ணீரை வெளியேற்றும் பணியை முடுக்கிவிட்டுள்ளது.
