விவசாய விளைபொருட்களின் குறைந்தபட்ச ஆதரவு விலைக்கு சட்டப்பூர்வ உத்தரவாதம் வழங்கக் கோரி, பஞ்சாப் மற்றும் ஹரியானா விவசாயிகள் டெல்லி எல்லையில் தொடர்ந்து போராட்டம் நடத்தி வருகின்றனர். விவசாயிகள் சங்க பிரதிநிதி ஜக்ஜித் சிங் தளிவால் கடந்த நவம்பர் 26-ம் தேதி முதல் உண்ணாவிரதப் போராட்டத்தில் ஈடுபட்டு வருகிறார்.
அவரது உடல்நிலை மோசமடைந்ததால், அவருக்கு மருத்துவ சிகிச்சை அளிக்க பஞ்சாப் அரசுக்கு உச்சநீதிமன்றம் உத்தரவிட்டுள்ளது. ஆனால் அவர் மறுத்து வருகிறார். இந்நிலையில் கடந்த சனிக்கிழமை போராட்ட தளத்தில் நடைபெற்ற விவசாயிகள் மகா பஞ்சாயத்தில் ஜக்கித் சிங் படுத்துக்கொண்டு உரையாற்றினார். அசௌகரியம் காரணமாக அவரால் சரியாக பேச முடியவில்லை என்று கூறப்படுகிறது. அப்போது அவர் வாந்தி எடுத்தார்.
அப்போது அவர் பேச்சை முடிக்க வேண்டும் என்று மருத்துவர்கள் அறிவுறுத்தியுள்ளனர். அதைக் கேட்காமல் உரை நிகழ்த்தினார். பேச்சை முடித்ததும் அவதார் சிங் தலைமையிலான டாக்டர்கள் குழு அவரது உடல்நிலையை பரிசோதித்தது. அப்போது அவருக்கு ரத்த அழுத்தம் குறைந்துள்ளதாக கூறப்படுகிறது.
மேலும் அவரது சிறுநீரகம் மற்றும் கல்லீரல் செயல்பாடுகள் பாதிக்கப்பட்டுள்ளதாக மருத்துவர்கள் தெரிவித்துள்ளனர். ஜக்ஜித் சிங் மருந்து சாப்பிட மறுப்பதாக கூறப்படுகிறது. இதன் காரணமாக உண்ணாவிரதத்தை முடித்தாலும் அவர் பூரண குணமடைய வாய்ப்புகள் குறைவு என மருத்துவர்கள் தெரிவித்துள்ளனர்.
