புது டெல்லி: முன்னாள் உலக அழகி மனுஷி சில்லர் தனது எடை மற்றும் தோற்றம் தொடர்பாக தான் சந்தித்த உடல் தோற்றம் குறித்து மனம் திறந்து பேசியுள்ளார். முன்னாள் உலக அழகி மற்றும் நடிகை மனுஷி சில்லர் சமீபத்தில் புது டெல்லியில் நடைபெற்ற ஒரு தனியார் தொலைக்காட்சி மாநாட்டில் பேசினார். அந்த நேரத்தில், பிரபலமாக மாறிய பிறகு தனது உடல் தோற்றம் குறித்து அவர் வேதனையுடன் பகிர்ந்து கொண்டார்.
பேசுகையில், ‘நானும், 2021-ல் உலக அழகி பட்டத்தை வென்ற ஹர்னாஸ் கவுர் சந்துவும் எதிர்மறையான உடல் ஷேமிங்கிலிருந்து தப்பிக்க முடியவில்லை. நான் மருத்துவ மாணவியாக இருந்தபோது, அத்தகைய விமர்சனங்கள் என்னை அதிகம் பாதிக்கவில்லை. ஆனால் 2017-ல் உலக அழகி பட்டத்தை வென்ற பிறகு, உடல் தோற்றம் மற்றும் உடல் ஷேமிங்கின் தாக்கம் பல மடங்கு அதிகரித்துள்ளது.
இந்த கேலி விமர்சனங்களை சமாளிக்க, வெளியில் இருந்து வரும் தேவையற்ற விமர்சனங்களை நாம் ஒருபோதும் கேட்கக்கூடாது. நம்மைப் பற்றி அக்கறை கொண்ட வழிகாட்டிகளின் கருத்துக்களுக்கு மட்டுமே நாம் முக்கியத்துவம் கொடுக்க வேண்டும்.
மற்றவர்களிடமிருந்து வரும் விமர்சனங்கள் பெரும்பாலும் அவர்களின் பாதுகாப்பின்மையின் வெளிப்பாடாகும். எனவே, அதைப் பொருட்படுத்தாமல், நம்மை நேசிப்பதும், நம்மை நாமே கவனித்துக் கொள்வதும் மிகவும் முக்கியம் என்று அவர் கூறினார்.
