சண்டிகர்: ஹரியானா மாநிலத்தில், முஸ்லிம் பெரும்பான்மையை உடைய கிராமத்தில் ஒரு ஹிந்து பெண் பஞ்சாயத்து தலைவராக தேர்ந்தெடுக்கப்பட்டுள்ளார். இது ஒரு அபூர்வமான சம்பவமாக உள்ளது.
ஹரியானா மாநிலத்தில் உள்ள நுவ் மாவட்டத்தின் புன்ஹானா வட்டத்தில், சிரோலி என்ற கிராமம் உள்ளது. இந்த கிராமத்தின் ஒட்டு மொத்த வாக்காளர் எண்ணிக்கை 3296 பேர். இதில் 250 பேர் மட்டுமே இந்து மதத்தைச் சேர்ந்தவர்கள், மற்றவர்கள் அனைத்தும் முஸ்லிம் சமூஹத்தை சேர்ந்தவர்கள். 90 சதவீதம் முஸ்லிம் வாக்காளர்களைக் கொண்ட இந்த கிராமத்தில், இந்து மதத்தைச் சேர்ந்த நிஷா சவுகான் என்ற பெண் பஞ்சாயத்து தலைவராக தேர்ந்தெடுக்கப்பட்டிருக்கின்றார்.
நிஷா சவுகான், 30 வயதானவர், சிரோலி பஞ்சாயத்து தலைவராக உள்ளார். இத்தனைக்கும் இந்த கிராமத்தில் உள்ள 15 வார்டுகளில் 14 உறுப்பினர்கள் முஸ்லிம் மதத்தைச் சேர்ந்தவர்களே எனது ஆச்சரியத்தைத் தூண்டுகிறது.
பஞ்சாயத்து தலைவராக தேர்ந்தெடுக்கப்பட்டதைப் பற்றிய தனது கருத்துக்களை நிஷா சவுகான் தெரிவித்துக் கூறியிருந்தார், “ஹிந்து முஸ்லிம் ஒற்றுமைக்கு இதுவே ஒரு சிறந்த சான்று. நாங்கள் சகோதரர்களாகவும், அன்பாகவும் வாழ்ந்துவருவது எங்களின் நீண்டகால பாரம்பரியம். எங்களிடம் எந்த மத பாகுபாடும் இல்லை. மத துவேஷத்தை பரப்புவோருக்கு எனது தலைவராக தேர்ந்தெடுக்கப்படுவது சிறந்த செய்தி” என அவர் கூறினார்.
நுவ் பஞ்சாயத்து அதிகாரி சம்ஷேர் சிங் கூறியதாவது, “இந்த கிராமத்தில் மொத்தம் 15 வார்டு உறுப்பினர்கள் உள்ளனர். நிஷா சவுகான் உள்பட, மொத்தம் 8 பேர் பெண்கள். ஏப்.2-ஆம் தேதி தலைவராக தேர்ந்தெடுக்கப்பட்ட நிஷா சவுகானுக்கு 10 உறுப்பினர்களில் அனைவரும் ஓட்டு போட்டு தேர்ந்தெடுத்தனர்” என அவர் தெரிவித்தார்.
