இந்தியாவின் முன்னணி இருசக்கர வாகன தயாரிப்பு நிறுவனமான ஹோண்டா மோட்டார்சைக்கிள்ஸ், புதிய சிறிய அளவிலான ஸ்கூட்டரை விரைவில் அறிமுகம் செய்ய இருக்கிறது. ஹோண்டாவின் பிரபலமான ஆக்டிவா மற்றும் டியோ ஸ்கூட்டர்களை விட இந்நவீன மாடல் சிறியதாகவும், விலைகுறைவாகவும் இருக்கும் என தகவல்கள் தெரிவிக்கின்றன.
இந்த புதிய மினி ஸ்கூட்டருக்கு ஹோண்டா “எக்ஸ்சிஆர்125 ஜிஷா” (SCR125 Xisha) என பெயர் சூட்டியுள்ளது. இது தொடர்பான காப்புரிமையை இந்தியாவில் பதிவு செய்துள்ளதால், விரைவில் இது இந்திய சந்தையில் விற்பனைக்கு வரும் எனக் கூறப்படுகிறது. ஆனால், இதன் அறிமுகம் எப்போது என்பது தொடர்பாக எந்த அதிகாரப்பூர்வ அறிவிப்பும் வெளியிடப்படவில்லை.
ஹோண்டா ஏற்கனவே மினி ஸ்கூட்டர்களான “நாவி” மற்றும் “க்ளிக்” ஆகியவற்றை அறிமுகம் செய்திருந்தாலும், அவை பெரிதாக வெற்றியடையவில்லை. அதனால், புதிய எக்ஸ்சிஆர்125 ஸ்கூட்டர், சிறிய ஸ்கூட்டர் பிரிவில் ஹோண்டாவின் வெற்றியைக் கட்டிக்கட்டும் என எதிர்பார்க்கப்படுகிறது.
இந்த ஸ்கூட்டர் தினசரி பயணிகளுக்கு ஏற்ற வகையில் வடிவமைக்கப்பட்டிருப்பதோடு, பெண்களுக்கு மேலும் வசதியாக இருக்கும் என தெரிவிக்கப்படுகிறது. வெளிநாடுகளில் விற்பனைக்கு உள்ள மாடல்களில், ஹலோஜன் ஹெட்லைட்டுகள், டர்ன் இண்டிகேட்டர்கள், யுஎஸ்பி சார்ஜிங் வசதி, அலாய் சக்கரங்கள், முன்புற டிஸ்க் பிரேக் மற்றும் ஃப்ளோர்போர்டு போன்ற அம்சங்கள் காணப்படுகின்றன.
நிகழ்காலத்தில் ஹோண்டா ஆக்டிவா இந்திய சந்தையில் தன்னுடைய வலுவான நிலையை நிரூபித்துள்ளது. ஆனால், புதிய சிறிய ஸ்கூட்டரின் அறிமுகத்தால், மேலும் அதிக பயணிகளை தன் வசம் ஈர்க்கும் முயற்சியில் ஹோண்டா இருக்கிறது. இதன் விலை மற்றும் முழு விவரங்களை எதிர்வரும் நாட்களில் அறிவிக்கலாம்.
