ஐக்கிய நாடுகள் சபையின் 80வது பொதுக்கூட்டம் நியூயார்க் நகரில் செப்டம்பர் 22ஆம் தேதி முதல் 29ஆம் தேதி வரை நடைபெறுகிறது. இக்கூட்டம் அமைதி, வளர்ச்சி, மனித உரிமைகள், ஒருங்கிணைப்பு போன்ற கருத்துகளின் அடிப்படையில் நடத்தப்படுகிறது. பல்வேறு நாட்டு தலைவர்கள் நாள்தோறும் பேசி வருகின்றனர். இந்த கட்டத்தில் இந்தியா சார்பில் பெடல் கெலாட் என்ற பெண் அதிகாரி பாகிஸ்தான் பிரதமர் ஷெபாஸ் ஷெரீப் பேச்சிற்கு பதிலடி கூறும் வகையில் கருத்துகளை முன்வைத்துள்ளார்.
பெடல் கெலாட் பேச்சு சர்வதேச அளவில் கவனம் பெற்றது. அவர் கூறிய கருத்துக்கள் பாகிஸ்தான் முகத்திரையை அதிரவைத்து, சர்வதேச அரங்கத்தில் உண்மையை வெளிப்படுத்தும் வகையில் இருந்ததாக அரசியல் வல்லுநர்கள் கூறுகின்றனர். பாகிஸ்தான் பிரதமர் பயங்கரவாதத்தை ஊக்குவிக்கும் வகையில் பேசியுள்ளதாகவும், கடந்த ஏப்ரல் 25ஆம் தேதி ஐ.நா பாதுகாப்பு கவுன்சிலில் நடந்த நிகழ்வையும் குறிப்பிடுகின்றனர்.
பாகிஸ்தான் பயங்கரவாத செயல்களில் ஈடுபடும் நிலையில், அதனை நியாயப்படுத்தும் வழிகளையும் முன்வைக்கிறது. கடந்த மே 9ஆம் தேதி இந்தியாவுக்கு எதிராக தொடர்ந்த தாக்குதல்கள், மே 10ஆம் தேதிக்கு பிறகு சண்டையை நிறுத்துமாறு பாகிஸ்தான் ராணுவம் கூறியது போன்ற தகவல்களும் முன்வைக்கப்பட்டுள்ளன. இந்த பேச்சு இணையத்தில் வைரலாகி, பெடல் கெலாட் மீது ஆர்வத்தை அதிகரித்துள்ளது.
பெடல் கெலாட் மும்பை செயிண்ட் சேவியர் கல்லூரியில் அரசியல் அறிவியல், சமூகவியல், பிரெஞ்ச் இலக்கியத்தில் இளங்கலை, டெல்லி பல்கலைக்கழகத்தின் லேடி ஸ்ரீராம் மகளிர் கல்லூரியில் அரசியல் அறிவியலில் முதுகலை பட்டம் பெற்றவர். கலிஃபோர்னியாவில் மொழிபெயர்ப்பு முதுகலை படிப்பும் செய்துள்ளார். 2020–2023ல் ஐரோப்பிய மேற்கு மண்டலத்தில் வெளியுறவுத்துறை செயலாளராக பணியாற்றிய பின்னர் 2023ல் ஐ.நா சபையில் இந்திய பிரதிநிதியாக நியமிக்கப்பட்டார். சமூக வலைதளங்களில் தீவிரமாக இயங்கும் இவர் இசை ஆர்வமும் கொண்டவர்.
