அகர்தலா: பஹல்காம் பயங்கரவாத தாக்குதலைத் தொடர்ந்து, நாட்டில் சட்டவிரோதமாக வசித்து வந்தவர்களை கணக்கெடுக்கும் பணி துரிதப்படுத்தப்பட்டது. பலர் கைது செய்யப்பட்டனர். குறிப்பாக, நாட்டின் பல பகுதிகளில் எந்த சட்ட ஆவணங்களும் இல்லாமல் வசித்து வந்த நூற்றுக்கணக்கான வங்கதேசத்தினர் கைது செய்யப்பட்டனர். கைது செய்யப்பட்டவர்கள் இந்திய விமானப்படைக்கு சொந்தமான சிறப்பு விமானங்கள் மூலம் திரிபுரா மாநிலத்தில் உள்ள அகர்தலாவுக்கு அழைத்து வரப்பட்டனர்.
பின்னர், அங்குள்ள எல்லை வழியாக அவர்களை வங்கதேசத்திற்கு திருப்பி அனுப்பும் பணி தொடங்கியுள்ளது என்று காவல்துறை வட்டாரங்கள் தெரிவித்தன. இது தொடர்பாக வட்டாரங்கள் மேலும் தெரிவித்ததாவது:- பஹல்காம் தாக்குதலைத் தொடர்ந்து, ஆவணங்கள் இல்லாமல் இந்தியாவில் வசித்து வந்த வங்கதேசத்தினரை கைது செய்யும் பணி தீவிரப்படுத்தப்பட்டுள்ளது.
நாடு முழுவதும் பல்வேறு இடங்களில் இருந்து சிறப்பு விமானங்கள் மூலம் அவர்களை அகர்தலாவுக்கு அழைத்து வரும் பணி கடந்த மூன்று நாட்களாக நடந்து வருகிறது. இதுவரை 480 பேர் திருப்பி அனுப்பப்பட்டுள்ளனர். இந்த சூழ்நிலையில், எல்லை வழியாக அவர்களை வங்கதேசத்திற்கு திருப்பி அனுப்பும் பணி பல்வேறு கட்டங்களாக நடைபெறும். இது தொடர்பாக வெளியுறவு அமைச்சகம் ஏற்கனவே வங்கதேசத்திற்கு தகவல் அளித்துள்ளது.
ஆதாரங்களை சரிபார்த்த பிறகு தங்கள் நாட்டு மக்களை திரும்ப அழைத்துச் செல்லவும் அவர்கள் ஒப்புக்கொண்டுள்ளனர். வங்கதேசத்தினரை திருப்பி அனுப்பும் செயல்முறை இந்த வாரத்திற்குள் முடிவடையும் என்று எதிர்பார்க்கப்படுகிறது. இந்த வட்டாரங்கள் தெரிவித்துள்ளன.
