புது டெல்லி: உத்தரப் பிரதேசத்தில் பல வாகன டீலர்கள் வாகனங்களைப் பதிவு செய்யும் போது விதிகளை முறையாகப் பின்பற்றவில்லை என்று புகார்கள் வந்துள்ளன. இதைத் தொடர்ந்து, மாநில அரசு 25 வாகன டீலர்களின் வணிக உரிமங்களை ஒரு மாதத்திற்கு நிறுத்தி வைத்துள்ளது. ஜூன் 3-ம் தேதி தொடங்கிய இந்த இடைநீக்க காலம், லக்னோ, பாராபங்கி, சீதாபூர், குஷிநகர், மொரதாபாத் மற்றும் பிரயாக்ராஜ் உள்ளிட்ட மாவட்டங்களைச் சேர்ந்த டீலர்களைப் பாதித்துள்ளது.
இந்த 25 டீலர்கள் வாகனங்களை விற்பனை செய்வதிலிருந்தோ அல்லது பதிவுக்கான விண்ணப்பங்களைப் பதிவு செய்வதிலிருந்தோ தடை விதிக்கப்பட்டுள்ளது. புதிய வாகனங்களைப் பதிவு செய்வதற்கான தேசிய போர்ட்டலான ‘வாஹன்’ போர்ட்டலுக்குள் நுழைவதற்கும் இந்த 25 டீலர்கள் தடை விதிக்கப்பட்டுள்ளனர். விளம்பரம் இது தொடர்பாக, உ.பி. போக்குவரத்து ஆணையர் அலுவலகம், “சம்பந்தப்பட்ட 25 டீலர்களை நாங்கள் பலமுறை எச்சரித்துள்ளோம்.
ஜனவரி முதல் மே 2025 வரையிலான அவர்களின் பதிவுகள் முழுமையாக ஆய்வு செய்யப்பட்டுள்ளன. “விளக்கம் கேட்டு 25 டீலர்களுக்கு ஷோ-காஸ் நோட்டீஸ் அனுப்பப்பட்டது. வாகனப் பதிவுத் துறை அவர்களுக்குப் போதுமான கால அவகாசம் அளித்துள்ளது, ஆனால் அவர்கள் தங்கள் நடைமுறைகளை மேம்படுத்தவோ அல்லது திருப்திகரமாக பதிலளிக்கவோ தவறிவிட்டனர்,” என்று அது கூறியது.
