புதுடெல்லி: இன்று 120-வது ‘மன் கி பாத்’ வானொலி நிகழ்ச்சியில் பேசிய பிரதமர் மோடி, ‘ஏப்ரல் மாதத்தில் நவராத்திரி, ஈத் போன்ற பண்டிகைகள் வரவுள்ளன. இந்த மாதம் முழுவதும் திருவிழாக்கள் மற்றும் கொண்டாட்டங்கள் நிறைந்திருக்கும். முதன்முறையாக புதுதில்லியில் ஃபிட் இந்தியா கார்னிவல் என்ற நிகழ்ச்சி நடத்தப்பட்டது. நமது மாற்றுத்திறனாளி விளையாட்டு வீரர்கள், கேலோ இந்தியா பாரா கேம்ஸ் மூலம் 18 தேசிய சாதனைகளை படைத்துள்ளனர்.
இதில் 12 சாதனைகளை பெண் வீராங்கனைகள் படைத்துள்ளனர். கேலோ இந்தியா பாரா விளையாட்டுப் போட்டியில் முதல் மூன்று இடங்களைப் பிடித்த ஹரியானா, தமிழ்நாடு மற்றும் உத்தரப் பிரதேசத்தைச் சேர்ந்த விளையாட்டு வீரர்களை நான் வாழ்த்துகிறேன். கேலோ இந்தியா பாரா விளையாட்டுப் போட்டியில் முதல் மூன்று இடங்களைப் பிடித்த ஹரியானா, தமிழ்நாடு மற்றும் உத்தரப் பிரதேசத்தைச் சேர்ந்த விளையாட்டு வீரர்களை நான் வாழ்த்துகிறேன்.
மழைநீரை சேகரிப்பதன் மூலம் அதிகளவு தண்ணீரை வீணாக்காமல் சேமிக்க முடியும். முடிந்தால், கோடை காலத்தில் உங்கள் வீட்டின் முன் ஒரு பானை தண்ணீரை வைக்கவும். பறவைகளுக்கு உங்கள் வீட்டின் கூரையில் தண்ணீர் வைக்கவும், என்றார்.
