வாரணாசி: வாரணாசியில் ஆர்.ஜே.சங்கரா கண் மருத்துவமனையை உத்தரபிரதேச மாநிலத்தின் வாரணாசி எம்.பி.யும், பிரதமருமான நரேந்திர மோடி இன்று மதியம் திறந்து வைக்கிறார். லால் பகதூர் சாஸ்திரி சர்வதேச விமான நிலையத்தில் ரூ.2,870 கோடி செலவில் விமான நிலைய ஓடுபாதை விரிவாக்கம் மற்றும் புதிய முனைய கட்டிடம் மற்றும் அது தொடர்பான பணிகளுக்கு அடிக்கல் நாட்டினார்.
ரேவா விமான நிலையம், மா மஹாமாயா, அம்பிகாபூர் மற்றும் சர்சவா விமான நிலையங்களில் ரூ.220 கோடி செலவில் கட்டப்பட்டுள்ள புதிய முனையக் கட்டிடங்களையும் அவர் திறந்து வைக்கிறார்.
மேலும் விளையாட்டுக்கான உயர்தர உள்கட்டமைப்பை வழங்குவதற்காக ரூ.210 கோடி செலவில் வாரணாசி விளையாட்டு வளாகத்தின் 2ம் மற்றும் 3ம் கட்ட மறுவடிவமைப்பு பணிகளை அவர் தொடங்கி வைக்கிறார்.
வாரணாசியில் மட்டும் 6 ஆயிரத்து 100 கோடி ரூபாய் மதிப்பிலான திட்டங்களை பிரதமர் மோடி இன்று தொடங்கி வைக்கிறார் என்பதால், நகரம் முழுவதும் பலத்த பாதுகாப்பு போடப்பட்டுள்ளது.
