நாக்பூர்: மஹாராஷ்டிர மாநிலம் நாக்பூரில் கடந்த இரவு நடந்த கலவரம், குறிப்பிட்ட சிலரால் திட்டமிட்டு செய்யப்பட்ட சதியாக தெரிகிறது என, முதல்வர் தேவேந்திர பட்னவிஸ் கூறியுள்ளார். துணை முதல்வர் ஏக்நாத் ஷிண்டேயும் இதே கருத்தைத் தெரிவித்தார்.
மஹாராஷ்டிராவில் பா.ஜ., சிவசேனா, தேசியவாத காங்., கூட்டணி ஆட்சி அமைந்துள்ள நிலையில், சத்ரபதி சம்பாஜி மாவட்டத்தில், முகலாய மன்னர் அவுரங்கசீபின் சமாதி உள்ளது. சமீபத்தில், “சாவா” என்ற ஹிந்தி திரைப்படம் வெளியானது, இதில் சத்ரபதி சம்பாஜி மற்றும் அவுரங்கசீப் சம்பந்தப்பட்ட கொடூரங்கள் படமாக்கப்பட்டு உள்ளன. இந்த படத்தின் காரணமாக, அவுரங்கசீப் சமாதியை அகற்றக் கோரிய ஹிந்து அமைப்புகளின் கோரிக்கைகள் வலுப்பட்டுள்ளன.
அதே நேரத்தில், முஸ்லிம் பிரிவினர் அவுரங்கசீபை பெருமைப்படுத்தும் வகையில் சமூக வலைதளங்களில் பதிவுகளை வெளியிட்டு வருகின்றனர். இந்நிலையில், விஸ்வ ஹிந்து பரிஷத் மற்றும் பஜ்ரங்க் தள் உள்ளிட்ட ஹிந்து அமைப்புகள் கடந்த இரவு போராட்டம் அறிவித்தனர்.
போராட்டத்தின் போது, முஸ்லிம்களின் புனித நுால் அவமதிக்கப்பட்டதாக பரவிய வதந்தி காரணமாக, கலவரங்கள் வெடித்தன. வாகனங்களுக்கு தீ வைக்கப்பட்டு, சில இடங்களில் போலீசாரின் மீது தாக்குதல்கள் நடந்தன. கண்ணீர் புகை குண்டுகள் பயன்படுத்தப்பட்டு, கூட்டத்தை போலீசார் கலைத்தனர்.
முதல்வர் தேவேந்திர பட்னவிஸ், சட்டசபையில் கூறியதாவது, “சாவா” திரைப்படம் மஹாராஷ்டிரா மக்களின் உணர்வுகளை பாதித்துள்ளது. அவுரங்கசீபின் கொடூரங்களை விளக்கும் காட்சிகளும், மஹாராஷ்டிராவின் சமூக அமைப்புகளை உருக்கு விட்டன. இதன் பின்விளைவாக, அவுரங்கசீப் சமாதியை அகற்றக் கோரி வலியுறுத்தல்களும், முஸ்லிம்களின் சார்பாக அவுரங்கசீபை பெருமைப்படுத்தும் முயற்சிகளும் நடந்துள்ளன.
இந்த கலவரங்களைத் தொடர்ந்து, போலீசார் 34 காயமடைந்துள்ளனர். 45 பேர் கைது செய்யப்பட்டுள்ளனர். அரசாங்கம் பொதுமக்களுக்கு அமைதி காக்கும் அறிவுறுத்தலை வழங்கி, சமூக வலைதளங்களில் பரவும் வதந்திகளை நம்ப வேண்டாம் என்று எச்சரித்துள்ளது.
பொதுவாக, நாக்பூர் அமைதியான நகரமாகப் போற்றப்படுகிறது, ஆனால் தற்போது இந்த பதற்றமான சூழ்நிலை காவல் துறையினரால் கையாளப்படுகிறது.
