புது தில்லி; ஆயுள் மற்றும் மருத்துவக் காப்பீட்டு பிரீமியங்களுக்கு விதிக்கப்பட்டுள்ள 18 சதவீத ஜிஎஸ்டியை நீக்கக் கோரி மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி, மத்திய நிதியமைச்சர் நிர்மலா சீதாராமனுக்கு கடிதம் எழுதியுள்ளார்.
இதுகுறித்து நிதின் கட்கரி கடந்த 28ம் தேதி எழுதிய கடிதத்தில் கூறியிருப்பதாவது: மூத்த குடிமக்களுக்கு சிரமத்தை ஏற்படுத்துவதால் ஆயுள் மற்றும் மருத்துவ காப்பீட்டு திட்டங்களுக்கு விதிக்கப்பட்டுள்ள 18 சதவீத ஜிஎஸ்டியை திரும்பப் பெறுவது குறித்து பரிசீலிக்க வேண்டும்.
சுகாதார காப்பீட்டு திட்ட பிரீமியங்களுக்கு 18 சதவீத வரி என்பது சமூக ரீதியாக தேவையான வணிகப் பிரிவின் வளர்ச்சிக்கு தடையாக உள்ளது. இத்துறையின் வளர்ச்சி சமுதாயத்திற்கு இன்றியமையாதது.
பிரீமியத்தின் மீது ஜிஎஸ்டி விதிப்பது வாழ்க்கையின் நிச்சயமற்ற தன்மைகளுக்கு வரி விதிப்பதற்கு சமம். குடும்பத்திற்கு சில பாதுகாப்பை வழங்குவதற்காக வாழ்க்கையின் நிச்சயமற்ற தன்மையை உள்ளடக்கிய ஒரு நபர். இந்த அபாயத்திற்கு எதிராக காப்பீடு வாங்குவதற்கான பிரீமியத்திற்கு வரி விதிக்கப்படக்கூடாது. இவ்வாறு அந்த கடிதத்தில் நிதின் கட்கரி கூறியுள்ளார்.
