புதுடில்லி: உலகின் மிக நம்பிக்கைக்குரிய தலைவர்களுள் முதலிடத்தை இந்திய பிரதமர் நரேந்திர மோடி பெற்றுள்ளார். Morning Consult Global Leader Approval Tracker நடத்திய சமீபத்திய கருத்துக்கணிப்பில், மோடியுக்கு 75% மக்கள் ஆதரவு இருந்ததாக தெரிவிக்கப்பட்டுள்ளது. இது அவரை உலகின் முன்னணி அரசியல் தலைவராக நிலைநாட்டியுள்ளது.
இந்த தகவலை பாஜகவின் தகவல் தொழில்நுட்ப பிரிவு பொறுப்பாளர் அமித் மால்வியா தனது எக்ஸ் (முன்னாள் ட்விட்டர்) கணக்கில் பகிர்ந்துள்ளார். அவர் கூறுகையில், “இந்தியா வலுவான, நம்பிக்கைக்குரிய, மதிப்புக்குரிய ஒரு தலைவரின் கையில் இருக்கிறது என்பது இந்த முடிவுகள் மூலம் தெளிவாகிறது,” என்றார்.
மோடியை தொடர்ந்து, 59% ஆதரவுடன் தென்கொரிய அதிபர் லீ ஜே மியூங்க் இரண்டாம் இடம் பெற்றுள்ளார். 57% ஆதரவுடன் அர்ஜென்டினாவின் ஜாவீஸ் மில்லி மூன்றாம் இடத்திலும், 56% ஆதரவுடன் மார்க் கார்ஜே நான்காம் இடத்திலும் உள்ளனர். ஐந்தாம் இடத்தில் ஆஸ்திரேலிய பிரதமர் அண்டனி அல்பானீஸ் (54%) மற்றும் பிற தலைவர்கள் தொடர்ந்துள்ளனர்.
மெக்ஸிகோ, சுவிட்சர்லாந்து, அமெரிக்கா, போலந்து, இத்தாலி ஆகிய நாடுகளின் தலைவர்களும் பட்டியலில் இடம் பிடித்துள்ளனர். அமெரிக்க அதிபருக்கு 44% ஆதரவு கிடைத்துள்ளது.
இந்த தரவுகள் பிரதமர் மோடிக்கு உள்ள உலகளாவிய மதிப்பையும், இந்தியாவின் நம்பிக்கையை பிரதிபலிக்கின்றன. உலக அரசியல் மேடையில் இந்தியாவின் முக்கியத்துவம் தொடர்ந்து உயர்ந்து கொண்டிருக்கிறது என்பதை இது உணர்த்துகிறது.
