டெல்லி: அமெரிக்க பயணத்தை முடித்துக் கொண்டு பிரதமர் நரேந்திர மோடி டெல்லி புறப்பட்டார். 3 நாள் பயணமாக அமெரிக்கா சென்றுள்ள பிரதமர் மோடி குவாட் உச்சி மாநாட்டில் பங்கேற்றார்.
பிரதமர் மோடி 3 நாள் அரசு முறை பயணமாக அமெரிக்கா சென்றார். மூன்றாவது முறையாக பிரதமராக பதவியேற்ற பிறகு மோடி முதல் முறையாக அமெரிக்கா சென்றார்.
அந்த பயணத்தின் ஒரு பகுதியாக பிரதமர் மோடி நேற்று அமெரிக்காவின் பென்சில்வேனியாவில் உள்ள பிலடெல்பியா சென்றடைந்தார். அதே நேரத்தில் பிரதமர் மோடி அந்நாட்டு அதிபர் ஜோ பைடனை சந்தித்து பேசினார்.
தொடர்ந்து நடந்த குவாட் தலைவர்கள் மாநாட்டில் பிரதமர் மோடி பேசினார். இதையடுத்து நியூயார்க்கில் உள்ள ஐக்கிய நாடுகள் சபையில் நடைபெற்ற உச்சி மாநாட்டிலும் பிரதமர் மோடி பங்கேற்றார். இதனுடன், பிரதமர் மோடி தனது பயணத்தின் போது சில முக்கிய இருதரப்பு சந்திப்புகளையும் நடத்தினார்.
இந்நிலையில், 3 நாள் அமெரிக்க பயணத்தை முடித்துக் கொண்டு பிரதமர் நரேந்திர மோடி டெல்லி புறப்பட்டு சென்றுள்ளார்.
