புதுடெல்லி: டெல்லி தேர்தலுக்கு பிறகு அரசியல் நிகழ்வுகள் மந்தமாக இருந்தாலும், பிரதமர் மோடிக்கு அவ்வாறு இல்லை. பிரதமர் மோடி திங்கள்கிழமை 3 மாநிலங்களுக்குச் சென்றார். இதையொட்டி, அவர் காலை உணவு ம.பி.யிலும், மதிய உணவு பீகாரிலும், இரவு அஸ்ஸாமிலும் சாப்பிட்டார். உலக முதலீட்டாளர்கள் மாநாட்டை பிரதமர் மோடி நேற்று ம.பி.யில் தொடங்கி வைத்தார். உச்சிமாநாட்டில், உலக முதலீட்டாளர்கள் இந்தியாவை மிகுந்த நம்பிக்கையுடன் பார்க்கிறார்கள் என்று கூறினார்.
முதலீட்டுக்கு சாதகமான இடமாக அவர் ம.பி.யை முன்னிறுத்தினார். மதியம், பிரதமர் பீகாரில் உள்ள பாகல்பூர் சென்றடைந்தார். பீகாரில் இந்த ஆண்டு இறுதியில் சட்டசபை தேர்தல் நடைபெற உள்ள நிலையில், மோடியின் முதல் சந்திப்பாக இது பார்க்கப்பட்டது. இந்த கூட்டத்தில் பிரதமர் மோடி நாடு முழுவதும் உள்ள 9.8 கோடி விவசாயிகளுக்கு PM-KISAN நிதியிலிருந்து ரூ. 22,000 கோடியை பிரதமர் விடுவித்தார்.
மேலும் ரூ. 24,000 கோடி மதிப்பிலான திட்டங்களுக்கு அடிக்கல் நாட்டினார். பின்னர் இரண்டு நாள் பயணமாக பிரதமர் அசாமில் உள்ள கவுகாத்திக்கு சென்றார். தேயிலை தோட்டங்களின் 200 ஆண்டுகளை நினைவு கூறும் விழாவில் அவர் கலந்து கொண்டார். 9,000 பழங்குடியின பெண்கள் பாரம்பரிய நடன நிகழ்ச்சியுடன் பிரதமர் மோடியை வரவேற்றனர்.
