புதுடில்லி: ”ஸ்மிருதி இரானியையோ அல்லது வேறு எந்த தலைவரையோ தரக்குறைவான வார்த்தைகளை பயன்படுத்தி விமர்சிப்பதையும், மோசமாக நடந்து கொள்வதையும் அனைவரும் தவிர்க்க வேண்டும்,” என, எதிர்க்கட்சி தலைவர் ராகுல் காந்தி கூறினார்.
2019 ஆம் ஆண்டு அமேதி தொகுதியில் பாஜகவின் ஸ்மிருதி இரானியிடம் ராகுல் தோல்வியடைந்தார். இந்தத் தேர்தலில், ராகுல் கேரளாவின் வயநாடு மற்றும் உ.பி.யின் ரேபரேலி ஆகிய தொகுதிகளில் போட்டியிட்டு இரண்டிலும் வெற்றி பெற்றார், அதே நேரத்தில் அவர் மீண்டும் அதே தொகுதியில் போட்டியிடுவார் என்று எதிர்பார்க்கப்பட்டது. பின்னர் அவர் வயநாடு தொகுதியில் இருந்து ராஜினாமா செய்தார்.
அமேதி தொகுதியில் காங்கிரஸ் சார்பில் கிஷோரி லால் போட்டியிட்டார். பாஜக சார்பில் ஸ்மிருதி இரானி மீண்டும் களம் இறங்கினார். கிஷோரி லால் தேர்தலில் வெற்றி பெற்றார். இதையடுத்து ஸ்மிருதி இரானியை காங்கிரஸ் தொண்டர்கள் விமர்சிக்கத் தொடங்கினர்.
இந்நிலையில், எதிர்க்கட்சி தலைவர் ராகுல், எக்ஸ் சமூக வலைதளத்தில் வெளியிட்டுள்ள பதிவில் கூறியிருப்பதாவது: வாழ்க்கையில் வெற்றியும் தோல்வியும் இருக்கும். ஸ்மிருதி இரானியையோ அல்லது வேறு எந்தத் தலைவரையோ தரக்குறைவான வார்த்தைகளைப் பயன்படுத்துவதையும், முரட்டுத்தனமாக நடந்து கொள்வதையும் அனைவரும் தவிர்க்க வேண்டும். மக்களை இழிவுபடுத்துவது பலவீனத்தின் அடையாளம். வலிமை அல்ல. இவ்வாறு அந்த அறிக்கையில் அவர் தெரிவித்துள்ளார்.
