மும்பை: ரிசர்வ் வங்கி (ஆர்பிஐ) மத்திய வங்கியிடமிருந்து வங்கிகள் குறுகிய கால கடன் பெறும் ரெப்போ விகிதத்தை 0.25 சதவீதம் குறைத்து 6 சதவீதமாக அறிவித்துள்ளது. இதனால் வீடு மற்றும் வாகன கடன்களுக்கான வட்டி விகிதம் குறையும் என எதிர்பார்க்கப்படுகிறது. ரிசர்வ் வங்கி ரெப்போ விகிதத்தை குறைப்பது இது இரண்டாவது முறையாகும்.
இதற்கு முன்பு பிப்ரவரியில் ரெப்போ ரேட் 6.25 சதவீதமாக குறைக்கப்பட்டது. இந்நிலையில், இந்திய ரிசர்வ் வங்கி நேற்று வெளியிட்ட நிதிக் கொள்கை அறிக்கையில், ரெப்போ வட்டி விகிதத்தை மேலும் 0.25 சதவீதம் குறைத்து 6 சதவீதமாக குறைத்துள்ளது. இது குறித்து, இந்திய ரிசர்வ் வங்கி (ஆர்பிஐ) கவர்னர் சஞ்சய் மல்ஹோத்ரா கூறும்போது, “ரெப்போ விகிதத்தை குறைக்க பணவியல் கொள்கை குழு (எம்பிசி) ஒருமனதாக ஒப்புக்கொண்டது.
இதன் மூலம் கடன் வாங்கும் செலவு குறைவதுடன், வங்கிகள் வாடிக்கையாளர்களுக்கு குறைந்த வட்டி விகிதத்தில் கடன் வழங்க முடியும். நடப்பு நிதியாண்டின் ஜிடிபி வளர்ச்சி விகிதம் 6.7% லிருந்து 6.7% ஆக குறைக்கப்பட்டுள்ளது.
