புதுடெல்லி: குருகிராம் நில மோசடி வழக்கு தொடர்பான பணமோசடி வழக்கில் விசாரணைக்கு ஆஜராகுமாறு ராபர்ட் வதேராவின் கணவர் தொழிலதிபரும், காங்கிரஸ் பொதுச் செயலாளருமான பிரியங்கா காந்திக்கு ஹரியானா அரசு சம்மன் அனுப்பியுள்ளது. அதன்படி நேற்று விசாரணைக்கு ஆஜரானார். இந்நிலையில் அமலாக்க இயக்குனரக அலுவலகத்தில் இரண்டாவது நாளாக ராபர்ட் இன்று ஆஜரானார். அவருடன் அவரது மனைவியும் வயநாடு எம்பியுமான பிரியங்கா காந்தியும் வந்தார்.
ராபர்ட் அலுவலகத்திற்குள் நுழையும் முன், பிரியங்கா காரில் இருந்து இறங்கி கணவனை கட்டிப்பிடித்து அணைத்து அனுப்பினார். பின்னர், ராபர்ட் விசாரணைக்காக அலுவலகத்திற்குள் சென்றபோது, அமலாக்க இயக்குனரக தலைமையகத்தில் உள்ள காத்திருப்பு அறைக்குள் பிரியங்கா காத்திருந்ததாக கூறப்படுகிறது. முன்னதாக, கடந்த 2008-ம் ஆண்டு நில மோசடி தொடர்பான வழக்கில் ராபர்ட் வதேராவிடம் அமலாக்க இயக்குனரகம் செவ்வாய்க்கிழமை 5 மணி நேரம் விசாரணை நடத்தியது.
பணமோசடி தடுப்புச் சட்டத்தின் கீழ் அவரது வாக்குமூலம் பதிவு செய்யப்பட்டுள்ளதாக அதிகாரிகள் தெரிவித்தனர். அமலாக்க இயக்குனரகத்தின் புகாரின்படி, தொழிலதிபர் ராபர்ட் வத்ராவின் நிறுவனம் குருகானின் ஷிகோபூரில் ஒரு நிலத்தை பிப்ரவரி 2008-ல் ஓம்காரேஷ்வர் பிராப்பட்டீஸிலிருந்து 7.5 கோடிக்கு வாங்கியது. பின்னர் அந்த நிலத்தை டிஎல்எப் நிறுவனத்துக்கு ரூ. 58 கோடிக்கு விற்பனை செய்யப்பட்டது. இந்த வழக்கை அமலாக்க இயக்குனரகம் விசாரித்து வருகிறது.
இதில் பணமோசடி நடந்துள்ளதாக அமலாக்க இயக்குனரகம் கருதுகிறது. இந்த விசாரணை குறித்து தனது அதிருப்தியை வெளிப்படுத்திய ராபர்ட் வத்ரா, “இது மிகவும் துரதிர்ஷ்டவசமானது, அரசின் தவறுகளை அம்பலப்படுத்துபவர்களுக்கு எதிராக அமலாக்க இயக்குநரகம் மற்றும் பிற புலனாய்வு அமைப்புகளைப் பயன்படுத்துவதை மக்கள் உணர்ந்திருப்பதால், இதை மக்கள் இனி நம்ப மாட்டார்கள் என்று நான் நினைக்கிறேன்.
இந்த அரசு இந்துக்களுக்கும் முஸ்லிம்களுக்கும் இடையே பிளவை ஏற்படுத்த முயற்சிக்கிறது. நான் மக்களின் குரலாக மாறியதை அவர்கள் பார்க்கிறார்கள். இப்போது நான் ஒரு ஆர்வலர் போல இருக்கிறேன். மக்கள் என்னுடன் இருக்கிறார்கள், நான் அவர்களுக்கு சேவை செய்கிறேன், நான் அரசியலுக்கு வர வேண்டும் என்று அவர்கள் விரும்புகிறார்கள்.
