ஆந்திரப் பிரதேசத்தில் ஏழு புதிய விமான நிலையங்கள் அமைக்கப்படுவதாக விமானப் போக்குவரத்து அமைச்சர் ராம்மோகன் நாயுடு அறிவித்துள்ளார். பிரதமர் நரேந்திர மோடியை மற்றும் மத்திய அமைச்சர்களை சந்திக்க, ஆந்திர முதல்வர் சந்திரபாபு நாயுடு டெல்லியில் இரண்டு நாள் சுற்றுப்பயணம் மேற்கொண்டு உள்ளார். அவரது சுற்றுப்பயணத்தின் போது, அவர் மத்திய சிவில் விமானப் போக்குவரத்து அமைச்சகத்திற்கு சென்று, அமைச்சருடன் சந்தித்தார்.
ஆந்திரா, தற்போது 7 விமான நிலையங்களை 14 ஆக விரிவுபடுத்துவதற்கான திட்டங்களை முன்னெடுத்துள்ளது. இதில் ராஜமுந்திரி, விஜயவாடா மற்றும் கடப்பா விமான நிலையங்கள் மேம்படுத்தப்படும். புதிய விமான நிலையங்களை அமைக்க மத்திய அரசின் ஆதரவைப் பெற்றுள்ளதாகவும், ஸ்ரீகாகுளம், தகதார்த்தி, குப்பம் மற்றும் நாகார்ஜுனாசாகர் ஆகிய இடங்களில் புதிய விமான நிலையங்கள் அமைக்கப்படவுள்ளதாகவும் அமைச்சர் ராம்மோகன் நாயுடு கூறினார்.
புட்டபர்த்தி விமான நிலையத்தை அரசு நிறுவனமாக மாற்றும் திட்டம் தொடர்பாக ஆந்திர முதல்வருடன் விவாதிக்கப்பட்டதாகவும், ஆந்திர மாநிலம் தளவாட மையமாக அமைவதே முதலமைச்சரின் இலக்கு என்று அவர் தெரிவித்தார். புதிய விமான நிலையங்கள், மாநிலத்தின் மையமாக அமைவதற்கான முக்கிய கட்டமாக கருதப்படுகின்றன.
