டெல்லி: மும்பையில் தனது முதல் ஷோரூமைத் திறந்த பிறகு, எலோன் மஸ்க்கின் டெஸ்லா நிறுவனம் இந்தியாவில் தனது இரண்டாவது ஷோரூமை டெல்லியில் 11-ம் தேதி திறக்கிறது. உலகளவில் மின்சார வாகனத் துறையில் முன்னணி நிறுவனமான டெஸ்லா, மும்பையின் பாந்த்ரா குர்லா வளாகத்தில் (BKC) தனது முதல் ஷோரூமைத் திறந்தது.
டெஸ்லா மாடல் Y சமீபத்தில் இந்திய சந்தையில் அறிமுகப்படுத்தப்பட்டது. இதன் விலை ரூ. 59.89 முதல் 67.89 லட்சம் வரை நிர்ணயிக்கப்பட்டுள்ளது. இது சம்பந்தமாக, டெல்லியின் இந்திரா காந்தி சர்வதேச (IGI) விமான நிலையத்திற்கு அருகில் அமைந்துள்ள ஏரோசிட்டி பகுதியில் இரண்டாவது ஷோரூம் 11-ம் தேதி திறக்கப்படும் என்று டெஸ்லா அறிவித்துள்ளது.
டெல்லியில் இந்த ஷோரூம் திறக்கப்படுவதன் மூலம், டெஸ்லா நிறுவனம் நாடு முழுவதும் தனது மின்சார வாகனங்களின் விற்பனை மற்றும் விநியோகத்தை விரிவுபடுத்தும் என்று எதிர்பார்க்கப்படுகிறது.
இந்த ஷோரூம் மூலம் மாடல் Y போன்ற கார்கள் கிடைக்கும் என்பதும் குறிப்பிடத்தக்கது.
