சண்டிகர்: அரியானா சட்டசபை தேர்தலில் பா.ஜ.க, மீண்டும் வெற்றி பெற்று, பஞ்ச்குலாவில் புதிய அரசு அக்டோபர் 15ம் தேதி பதவியேற்க உள்ளது. ஹரியானாவில் கடந்த 10 ஆண்டுகளாக பாஜக ஆட்சியில் உள்ளது.
முதல்வராக மனோகர் லால் கட்டார் உள்ளார். கடந்த ஆண்டு மார்ச் மாதம் தனது பதவியை ராஜினாமா செய்த நயாப் சிங் சைனி புதிய முதல்வராக பதவியேற்றார்.
சட்டப்பேரவைத் தேர்தலில் பாஜக மீண்டும் பெரும்பான்மையைப் பெற்றுள்ளது. இதனால், புதிய அரசு, அக்டோபர், 15ல் பதவியேற்க உள்ளது.இதில், சில அமைச்சர்களுடன், நயாப் சிங் சைனியை மீண்டும் முதல்வராக நியமிக்க முடிவு செய்யப்பட்டுள்ளது.
இந்த விழாவில் பிரதமர் நரேந்திர மோடி, மத்திய உள்துறை அமைச்சர் அமித் ஷா மற்றும் மத்திய அமைச்சர்கள் பலர் பங்கேற்க உள்ளனர். இதனிடையே, வரும் 15ம் தேதி பதவியேற்பு விழாவுக்கான ஏற்பாடுகளை செய்ய உயர் அதிகாரிகள் குழு அமைக்கப்பட்டுள்ளது.
ஹரியானா மாநிலத்தில் உள்ள 90 சட்டசபை தொகுதிகளுக்கும் கடந்த 5ம் தேதி ஒரே கட்டமாக வாக்குப்பதிவு நடைபெற்றது. இதில் ஆளும் பாஜக மற்றும் காங்கிரஸ் இடையே நேரடி போட்டி நிலவியது. பாஜக 48 இடங்களில் வெற்றி பெற்று ஆட்சியை தக்க வைத்தது.
கருத்துக் கணிப்புகளை மீறி, ஹரியானாவில் பாஜக தொடர்ந்து மூன்றாவது முறையாக ஆட்சியைப் பிடித்தது. காங்கிரஸ் 37 இடங்களிலும், இந்திய தேசிய லோக்தளம் 2 இடங்களிலும் வெற்றி பெற்றுள்ளன. மேலும் 3 தொகுதிகளில் சுயேச்சை வேட்பாளர்கள் வெற்றி பெற்றுள்ளது குறிப்பிடத்தக்கது.
