டெல்லியில் இருந்து வந்த தகவலின் படி, பாகிஸ்தான் மீண்டும் தாக்குதல் செய்தால் பதிலடி கொடுக்க இந்திய ராணுவத்துக்கு முழு அதிகாரம் வழங்கப்பட்டுள்ளது. கடந்த ஏப்ரல் 22ஆம் தேதி ஜம்மு காஷ்மீர் பகுதியில் பயங்கரவாதிகள் தாக்குதல் நடத்தினர். இதில் 26 சுற்றுலா பயணிகள் உயிரிழந்தனர். இதற்கு பதிலாக, இந்தியா ‘ஆபரேஷன் சிந்தூர்’ என்ற தாக்குதலை நடத்தியது.
இதன் பிறகு, பாகிஸ்தான் ராணுவம் கடந்த சில நாட்களாக இந்திய எல்லைகளை தாக்கியது. இதை எதிர்கொண்டு இந்தியா பாதுகாப்பு நடவடிக்கைகளை அதிகரித்துள்ளது. நேற்று இரவு பாகிஸ்தான் ட்ரோன் தாக்குதல் நடத்தியதாலும், மீண்டும் பதற்றம் ஏற்பட்டது. ஆனால் இன்று காலை எல்லை பகுதிகளில் அமைதி நிலவியது.
இந்த சூழலில், பிரதமர் நரேந்திர மோடி, பாதுகாப்பு துறை அமைச்சர் ராஜ்நாத் சிங் மற்றும் மூத்த ராணுவ தலைவர்களுடன் ஆலோசனை நடத்தியுள்ளார். இந்த ஆலோசனையில், பாகிஸ்தானின் மீறலுக்கு எதிராக என்ன நடவடிக்கை எடுக்கலாம் என்பது குறித்து விவாதிக்கப்பட்டது.மேற்கு எல்லையில் உள்ள ராணுவத் தளபதிகளுடன், ராணுவத் தலைமை தளபதி உபேந்திர திவேதி ஆலோசனை நடத்தினார்.
இந்த சந்திப்பில் எல்லை பாதுகாப்பு நிலைமையை மதிப்பீடு செய்தார். மே 10ஆம் தேதி நடைபெற்ற DGMO பேச்சுவார்த்தையில் எட்டிய புரிதலை மீறினால், உடனடி பதிலடி கொடுக்க அதிகாரம் வழங்கப்பட்டுள்ளது.இந்த நடவடிக்கைகள் அனைத்தும் இந்தியாவின் பாதுகாப்பை உறுதி செய்யும் நோக்கில் மேற்கொள்ளப்பட்டவை. பாகிஸ்தானின் மீறல்களுக்கு இந்தியா சமாளிக்க தயார் நிலையில் இருக்கிறது. பிரதமர் தலைமையில் நடைபெறும் ஆலோசனைகள், எதிர்கால நடவடிக்கைகளை தீர்மானிக்க உதவுகின்றன.
