காஷ்மீர் முழுவதுமே இந்தியாவின் ஒருங்கிணைந்த பகுதி என்று 1994-ல் நாடாளுமன்றத்தில் தீர்மானம் நிறைவேற்றப்பட்டது. இதன் 25-வது ஆண்டு விழா நேற்று முன்தினம் டெல்லியில் நடைபெற்றது. இது தொடர்பாக மத்திய அமைச்சர் ஜிதேந்திர சிங் பேசியதாவது:- 1947-ல் இந்தியா சுதந்திரம் அடைந்தது. அப்போது நேரு மற்றும் ஜின்னாவின் தனிப்பட்ட விருப்பத்தால் இந்தியா, பாகிஸ்தான் ஆகிய இரு நாடுகள் உதயமானது. முன்னாள் பிரதமர் நேரு தன்னை அமைதி தூதராக கருதினார். ஆனால் அவர் செய்த பல்வேறு தவறுகளின் விளைவுகளை நாம் இப்போது அனுபவித்து வருகிறோம்.
பிரிவினையின் போது, இந்திய இராணுவம் மிர்பூரை (ஆக்கிரமிக்கப்பட்ட காஷ்மீர்) அடைந்தது. அப்போது ராணுவம் 2 நாட்கள் அவகாசம் கேட்டது. ஆனால் திடீரென போர் நிறுத்தம் அறிவிக்கப்பட்டது. அதனால்தான் ஆக்கிரமிப்பு காஷ்மீர் உருவாக்கப்பட்டது. அப்போதைய பிரதமர் நேரு இந்தப் பிரச்னையை ஐ.நா. இது ஒரு பெரிய தவறு. இதனால்தான் இன்று வரை ஆக்கிரமிப்பு காஷ்மீருக்கு உரிமை கோர முடியவில்லை. முழு காஷ்மீரும் இந்தியாவுக்கு சொந்தமானது. எனவே, பாகிஸ்தான் ஆக்கிரமிப்பு பகுதிகளை விட்டு வெளியேற வேண்டும். ஆக்கிரமிப்பு காஷ்மீர் எப்போது இந்தியாவுடன் இணைக்கப்படும் என்பதை என்னால் உறுதியாக கூற முடியாது.
ஆனால், பிரதமர் நரேந்திர மோடியால் மட்டுமே ஆக்கிரமிக்கப்பட்ட காஷ்மீரை மீட்டு இந்தியாவுடன் இணைக்க முடியும் என்று உறுதியாகச் சொல்ல முடியும். சட்டப்பிரிவு 370ஐ நீக்க முடியாது என்று பலர் கூறி வந்தனர். இந்த விவகாரத்தில் காங்கிரஸ் அரசு வாக்கு வங்கி அரசியலில் மட்டுமே ஈடுபட்டது. ஆனால் பிரதமர் நரேந்திர மோடியின் ஆட்சியில் 370-வது சட்டப்பிரிவு நீக்கப்பட்டு, காஷ்மீருக்கான சிறப்பு அந்தஸ்து ரத்து செய்யப்பட்டது. இனிமேல் யாராலும் 370 சட்டப்பிரிவை திரும்ப கொண்டு வர முடியாது.
அதேபோல் ஆக்கிரமிப்பு காஷ்மீரை மீட்க மத்திய அரசும் தயாராக உள்ளது. நாம் படிப்படியாக இந்த இலக்கை நோக்கி நகர்கிறோம். இவ்வாறு அமைச்சர் ஜிதேந்திர சிங் பேசினார். மத்திய அரசின் சொலிசிட்டர் ஜெனரல் துஷார் மேத்தா கூறியதாவது: காஷ்மீர் முழுவதும் இந்தியாவின் ஒருங்கிணைந்த பகுதி என மத்திய அமைச்சர் அமித்ஷா நாடாளுமன்றத்தில் பகிரங்கமாக அறிவித்துள்ளார். அதன்படி, ஆக்கிரமிப்பு காஷ்மீரை மீட்க எந்த எல்லைக்கும் செல்ல மத்திய அரசு தயாராக உள்ளது.
தற்போது பாகிஸ்தானில் கடும் பொருளாதார நெருக்கடி ஏற்பட்டுள்ளது. இதனால், ஆக்கிரமிப்பு காஷ்மீரில் வசிக்கும் மக்களும் பொருளாதார நெருக்கடியில் சிக்கித் தவித்து வருகின்றனர். கோதுமை உள்ளிட்ட அத்தியாவசியப் பொருட்களுக்கு கடும் தட்டுப்பாடு ஏற்பட்டுள்ளது. ஆக்கிரமிப்பு காஷ்மீரில் போதிய அடிப்படை வசதிகள் இல்லை. பாகிஸ்தான் அரசுக்கு எதிராக அந்த பகுதி மக்கள் போர்க்கொடி தூக்கியுள்ளனர். ஆக்கிரமிப்பு காஷ்மீர் கண்டிப்பாக இந்தியாவுடன் சேரும். இவ்வாறு துஷார் மேத்தா கூறினார்.
