குஜராத்: நீ சிங்கம்ன்னா காட்டுக்குதான் ராஜா என்பது போல் இரண்டு சிங்கங்களை எதிர்த்து நின்றுள்ள நாய் வீடியோ வெளியாகி வைரலாகி வருகிறது.
குஜராத் மாநிலம் அம்ரேலியில் நள்ளிரவில் இரண்டு சிங்கங்கள் கிராமத்தில் புகுந்தன. இருப்பினும், சிங்கங்கள் ஒரு வீட்டிற்குள் நுழைய முயன்றன.
ஆனால் நீ சிங்கமா இருந்தா எனக்கு என்ன என்பது போல் அந்த சிங்கங்களை வாயிலுக்குள் நுழையவிடாமல் தடுக்க நாய்கள் சண்டையிட்டன. அஞ்சாத நாய்கள் சிங்கங்களை தைரியமாக விரட்டும் இந்த வீடியோ அங்கிருந்த சிசிடிவி கேமராவில் பதிவாகியுள்ளது.
இரண்டு சிங்கங்களும் கேட்டில் முட்டி மோதியும், அசராமல் நாய்கள் குரைத்து எதிர்த்து நிற்கின்றன. இதனால் அந்த சிங்கங்கள் அங்கிருந்து ஓடிவிடுகின்றன. பின்னர் காவலாளி வெளியில் வந்து பார்க்கிறார். இந்த வீடியோ சமூக வலைதளங்களில் வைரலாக பரவி வருகிறது.
