ராஜஸ்தானின் உதய்பூரில், 2022-ம் ஆண்டு முகமது ரியாஸ் மற்றும் முகமது கௌஸ் ஆகியோரால் கன்ஹையா லால் என்ற தையல்காரர் கொலை செய்யப்பட்டார். பாஜகவின் முன்னாள் செய்தித் தொடர்பாளர் நுபுர் சர்மாவுக்கு ஆதரவாக சமூக ஊடகங்களில் கன்ஹையா லால் சர்ச்சைக்குரிய கருத்தை வெளியிட்டார்.
அதற்கு பழிவாங்கும் விதமாக இந்தக் கொலை நடத்தப்பட்டதாகக் கூறப்படுகிறது. நாடு முழுவதும் அதிர்ச்சியை ஏற்படுத்திய இந்த சம்பவத்தை அடிப்படையாகக் கொண்டு அமித் ஜானி ‘உதய்பூர் ஃபைல்ஸ்’ படத்தைத் தயாரித்துள்ளார். கன்னையா லால் வேடத்தில் விஜய் ராஸ் நடிக்கிறார். சிவகார்த்திகேயனின் தமிழ்ப் படமான ‘காக்கிச் சட்டை’யில் அவர் நடித்துள்ளார்.
இந்தப் படத்திற்கு கடும் எதிர்ப்பு எழுந்தது. நிரந்தரத் தடை கோரி டெல்லி உயர் நீதிமன்றத்தில் ஒரு தரப்பினர் மனு தாக்கல் செய்தனர். சில ஆட்சேபனைக்குரிய காட்சிகளை வெளியிட நீதிமன்றம் அனுமதித்ததை அடுத்து, படம் ஆகஸ்ட் 8-ம் தேதி வெளியாக உள்ளது. இந்த சூழ்நிலையில், படத்தின் இயக்குநரும் தயாரிப்பாளருமான அமித் ஜானிக்கு உயிருக்கு அச்சுறுத்தல் இருந்ததால் அவருக்கு ‘Y’ பிரிவு பாதுகாப்பு வழங்கப்பட்டுள்ளது.
மத்திய ரிசர்வ் போலீஸ் படையின் 11 ஆயுதம் ஏந்திய போலீசார் பாதுகாப்புப் பணியில் ஈடுபடுவார்கள். அமித் ஜானி டெல்லி மற்றும் உத்தரபிரதேசத்திற்கு வருகை தரும் போது மட்டுமே இந்த பாதுகாப்பு வழங்கப்படும். இதற்காக அமித் ஜானி பிரதமர் மோடி மற்றும் மத்திய உள்துறை அமைச்சர் அமித் ஷாவுக்கு நன்றி தெரிவித்துள்ளார்.
