கொய்யா தோல் இருந்தால் போதும். உங்கள் முகம் பிரகாசிக்கும்!!!

சென்னை: முகம் பிரகாசமாக பளிச்சிட வேண்டுமா. இருக்கவே இருக்கே. கொய்யாத் தோல் பேஸ் பேக். கொய்யா பழத்தில் அடங்கி உள்ள வைட்டமின்கள் அதிகமோ அதிகம்.

கொய்யாவில் உள்ள வைட்டமின் சத்துக்கள் உடலுக்கு பளபளப்புத் தன்மையை கொடுக்கிறது. கொய்யாவில் வைட்டமின் சி, பி மற்றும் ஏ ஆகிய சத்துக்கள் ஏராளமாக நிறைந்துள்ளன. கொய்யா பழத்தை சாப்பிடுவதோடு மட்டுமல்லாமல் முகத்தை அழகுபடுத்தவும் பயன்படுகிறது.

கொய்யா தோலை வைத்து தயாரிக்கும் பேஸ் பேக்: கொய்யாவில் ஆன்ட்டிஆக்ஸிடெண்டுகள் அதிக அளவில் உள்ளன. இது உங்கள் சருமத்தை ஒளிரச் செய்யும். சருமத்தை தளர்த்தி மென்மையாக்கும். கீழே கொடுக்கப்பட்டுள்ளபடி ஃபேஸ் பேக் தயாரித்து வாரம் ஒருமுறை பயன்படுத்தி வந்தால் நல்ல பலன் தெரியும்.

தேவையானவை: தேன் – 1 தேக்கரண்டி. கொய்யா பழத்தின் தோல் – தேவையான அளவு

செய்முறை: முதலில் கொய்யாப்பழத்தின் தோலை சீவி எடுத்துக் கொண்டு அந்த தோலை மிக்ஸியில் பசை போன்று அரைத்துக் கொள்ள வேண்டும். இந்தப் பசையுடன் 1 தேக்கரண்டி அளவு தேனை சேர்த்து நன்கு கலக்கவேண்டும். இதை முகத்தில் பூசி 20 நிமிடம் அப்படியே விடவேண்டும். பின்னர் வெதுவெதுப்பான நீரால் முகம் கழுவவேண்டும்.

கொய்யாவிலுள்ள வைட்டமின்கள் உங்கள் சருமத்திற்கு புத்துணர்வு அளித்து பளபளப்பான தோற்றத்தை அளிக்கும். முகத்திற்கு பொலிவான தோற்றத்தை அளிக்கும். மேலும் முகம் ஜொலிக்கும் போது அதனால் இயல்பாகவே சுறுசுறுப்பான மனநிலையும் ஏற்படும்.