சென்னை: செம்மொழி பூங்காவிற்கு இணையாக கலைஞர் நூற்றாண்டு பூங்கா நுழைவு கட்டணத்தை குறைக்க வேண்டும். அப்போதுதான் பூங்காவின் நோக்கம் நிறைவேறும்.
இல்லையெனில் பணக்காரர்களின் பூங்காவாகவே பார்க்கப்படும் என பாமக தலைவர் அன்புமணி ராமதாஸ் தெரிவித்துள்ளார். இதுகுறித்து, இன்று (அக்.,8) காலை அவர் வெளியிட்ட அறிக்கையில், “சென்னை கதீட்ரல் சாலையில், தனியாரிடம் இருந்து மீட்கப்பட்ட, அரசுக்கு சொந்தமான நிலத்தில், இதுபோன்ற அம்சங்களுடன், கலைஞர் நூற்றாண்டு விழா பூங்கா அமைக்கப்பட்டுள்ளது வரவேற்கத்தக்கது.
ஆனால், வெளிநாடுகளில் ஏழைகளால் வாங்க முடியாத அளவுக்கு அதிக கட்டணம் நிர்ணயித்திருப்பது சரியல்ல. நுழைவு கட்டணம் ரூ.100 நிர்ணயிக்கப்பட்டுள்ளது. ஆனால், இது 3 மணி நேரம் மட்டுமே செல்லுபடியாகும் என அறிவிக்கப்பட்டுள்ளது.
அதேபோல், பூங்காவில் உள்ள மற்ற வசதிகளை பார்வையிட தனி கட்டணம் நிர்ணயிக்கப்பட்டுள்ளது. ஜிப்லைன் சாகச சவாரிக்கு ரூ.250, பறவைக் கூடத்தில் பல்வேறு வெளிநாட்டு பறவைகளை பார்த்து உணவளிக்க ரூ.150, இசை நீரூற்றுகளின் கண்கவர் நடனம் பார்க்க ரூ.50, கண்ணாடி மாளிகையில் அரியவகை செடிகளை பார்க்க ரூ.50, குழந்தைகள் சவாரிக்கு ரூ.50 என அனைத்தும் பூங்கா என அனைத்து அம்சங்களையும் அனுபவிக்க 650.
இது மிக அதிகம். செம்மொழி பூங்காவிற்கு இணையாக கலைஞர் நூற்றாண்டு பூங்கா நுழைவு கட்டணத்தை குறைக்க வேண்டும். பூங்காவில் உள்ள அனைத்து அம்சங்களையும் அனுபவிக்க குறைந்தபட்ச ஒட்டுமொத்த கட்டணத்தை நிர்ணயம் செய்ய தமிழக அரசு முன்வர வேண்டும்.
அப்போதுதான் பூங்காவின் நோக்கம் நிறைவேறும். இல்லையெனில் பணக்காரர்களின் பூங்காவாகவே பார்க்கப்படும்” என தெரிவித்துள்ளார்.
