விருதுநகர்: விருதுநகர் எஸ்எஸ்கே பெரிய மகாலில் திமுக நிர்வாகிகள் கூட்டம் நேற்று இரவு நடந்தது. இதில் செயல்தலைவர் மு.க.ஸ்டாலின் கலந்து கொண்டு, வரும் 2026-ம் ஆண்டு சட்டமன்ற தேர்தல் குறித்து நிர்வாகிகளுடன் கலந்துரையாடினார்.
கூட்டத்தில் அமைச்சர்கள் சதுர் ராமச்சந்திரன், தங்கம் தென்னரசு, எம்எல்ஏக்கள், எம்பிக்கள், முன்னாள் எம்பிக்கள் மற்றும் மாவட்ட, நகர, ஒன்றிய, வக்கீல் சங்க செயலாளர்கள் உள்பட 141 பேர் கலந்து கொண்டனர். செயல்தலைவர் மு.க.ஸ்டாலின் பேசியதாவது:-
வரும் 2026 சட்டசபை தேர்தலில் திமுக கூட்டணி 200-க்கும் மேற்பட்ட இடங்களில் வெற்றி பெறும். இதை மனதில் கொண்டு கவனக்குறைவாகவும், மெத்தனமாகவும் இருக்காதீர்கள். அரசின் திட்டங்களால் ஒவ்வொரு குடும்பமும் ஏதாவது ஒரு வகையில் பயனடைந்துள்ளது. இதை மக்களுக்கு உணர்த்தும் வகையில் நமது பிரச்சாரம் அமைய வேண்டும்.
இளைஞர்கள் மற்றும் பெண்களை கவரும் வகையில் செயல்பட வேண்டும். ஒவ்வொரு பெண் வாக்காளர்களையும் நேரில் சந்தித்து திட்டங்களை விளக்க வேண்டும். 7-வது முறையாக தி.மு.க. ஆட்சி அமைக்க வேண்டும்.
