பாஜகவில் 3 ஆண்டுகளுக்கு ஒருமுறை புதிய நிர்வாகிகள் தேர்வு செய்யப்படுவார்கள். உறுப்பினர் சேர்க்கை 6 ஆண்டுகளுக்கு ஒருமுறை புதுப்பிக்கப்படும். தமிழக பாஜகவில் உறுப்பினர் சேர்க்கை கடந்த ஆண்டு செப்டம்பர் மாதம் தொடங்கியது. இதையடுத்து, கடந்த ஜனவரி மாதம் உள்கட்சி தேர்தல் பணிகள் தொடங்கியது. பாஜக மாநில துணைத் தலைவர் எம்.சக்கரவர்த்தி மாநில தேர்தல் அதிகாரியாகவும், தேசிய பொதுக்குழு உறுப்பினர் ஜி.கே. செல்வகுமார் தேர்தல் இணை பொறுப்பாளர்களாக மாநில செயலாளர் மீனாட்சி, மதுரை பெருங்கோட்டை பொறுப்பாளர் கதளி நரசிங்க பெருமாள் ஆகியோர் நியமிக்கப்பட்டனர்.
கிளைத் தலைவர், மண்டலத் தலைவர், மாவட்டத் தலைவர் பதவிகளுக்கான நிர்வாகிகளை தேர்தல் அலுவலர்கள் ஓட்டெடுப்பு அடிப்படையில் தேர்வு செய்தனர். மாநில தலைவர் மற்றும் தேசிய பொதுக்குழு உறுப்பினர்கள் பதவிகளுக்கான தேர்தல் நடத்தும் பணி நடந்து வந்தது. இவ்விரு பதவிகளுக்கும் போட்டியிடுபவர்கள் நேற்று மாநில தலைமையகமான கமலாலயத்தில் வேட்புமனு தாக்கல் செய்யலாம் என அறிவிக்கப்பட்டிருந்தது. இதைத்தொடர்ந்து பாஜக சட்டமன்ற குழு தலைவர் நைனார் நாகேந்திரன் கமலாலயத்திற்கு வருகை தந்தார்.
அச்சமயம் கதவைத் தொட்டு வணங்கி உள்ளே நுழைந்தார். அவருக்கு அங்கிருந்த நிர்வாகிகள் வாழ்த்து தெரிவித்து வரவேற்றனர். தொடர்ந்து, அங்கு நடந்த மாநில பொதுக்குழு கூட்டத்தில் பங்கேற்றார். தமிழக பாஜக பொறுப்பாளர் அரவிந்த் மேனன், இணை பொறுப்பாளர் சுதாகர் ரெட்டி, அமைப்பு செயலாளர் கேசவ விநாயகன், பொன். ராதாகிருஷ்ணன், எச்.ராஜா, பாஜக மாநிலத் தலைவர் அண்ணாமலை, மத்திய இணை அமைச்சர் எல்.முருகன், வானதி சீனிவாசன், கே.பி. ராமலிங்கம் இந்த கூட்டத்தில் கருப்பு முருகானந்தம், கோவை முருகானந்தம் உள்ளிட்ட முக்கிய நிர்வாகிகள் கலந்து கொண்டனர். இந்த கூட்டத்தில் மாநில தலைவராக நயினார் நாகேந்திரனை போட்டியின்றி ஒருமனதாக தேர்வு செய்ய முடிவு செய்யப்பட்டார்.
இதைத் தொடர்ந்து அவர் தலைவர் தேர்தலில் போட்டியிட வேட்புமனு தாக்கல் செய்தார். அண்ணாமலை, எல்.முருகன், பொன்.மாணிக்கவேல் உள்ளிட்ட 10 முக்கிய தலைவர்கள். ராதாகிருஷ்ணனும் ஹெச்.ராஜாவும் அவரது வேட்புமனுவை முன்மொழிந்தனர். இந்த வேட்புமனுவை அக்கட்சியின் தேசிய பொதுச்செயலாளர் தருண் சுக், மாநில தேர்தல் அதிகாரி சக்கரவர்த்தி, இணை அதிகாரி மீனாட்சி உள்ளிட்டோர் பெற்றனர். அப்போது, பாஜக நிர்வாகி ஒருவர் திடீரென வேட்புமனு தாக்கல் செய்ய வந்தார். இதைப் பார்த்த எல்.முருகன், கருப்பு முருகானந்தம், வானதி உள்ளிட்ட தலைவர்கள் தடுத்து நிறுத்தினர். இதனால் அங்கு பரபரப்பு ஏற்பட்டது.
பின்னர், கட்சி நிர்வாகிகள் அவரை அங்கிருந்து அழைத்துச் சென்றனர். இதையடுத்து தேசிய பொதுக்குழு உறுப்பினர் பதவிக்கு நிர்வாகிகள் வேட்புமனுக்கள் பெறப்பட்டன. இந்நிலையில், மாநில தலைவர் பதவிக்கு நைனார் நாகேந்திரன் மட்டும் மனு தாக்கல் செய்திருந்ததால், தமிழக பாஜக தலைவராக அவர் போட்டியின்றி தேர்வு செய்யப்பட்டார். இதுகுறித்து அமித்ஷா தனது எக்ஸ் தளத்தில், ‘தமிழக பாஜக தலைவர் பதவிக்கான வேட்புமனு நைனார் நாகேந்திரனிடம் மட்டுமே பெறப்பட்டுள்ளது. அண்ணாமலை பாராட்டுக்குரிய பல சாதனைகளை படைத்துள்ளார்.
பிரதமர் மோடியின் கொள்கைகளை மக்களிடம் கொண்டு செல்வதிலும் சரி, மத்திய அரசின் திட்டங்களை கிராம அளவில் கொண்டு செல்வதிலும் சரி அண்ணாமலையின் பங்கு மகத்தானது. கட்சியின் தேசிய அமைப்பில் அண்ணாமலையின் திறமையை பாஜக பயன்படுத்தும். இதன் மூலம் பாஜக மாநிலத் தலைவராக நயினார் நாகேந்திரனும், தேசியப் பொறுப்புக்கு அண்ணாமலையும் மாற்றப்படுவது உறுதியாகியுள்ளது. தமிழக பாஜகவின் புதிய தலைவராக நைனார் நாகேந்திரனை அறிவிக்கும் விழா இன்று மாலை 4 மணிக்கு வானகரம் தனியார் திரையரங்கில் நடைபெறுகிறது.
