சென்னை: தேர்தல் நெருங்கி வரும் நிலையில் அதிமுக பொதுச்செயலாளர் பழனிசாமி டெல்லிக்கு திடீர் பயணம் மேற்கொண்டு மத்திய அமைச்சர் அமித்ஷாவை சந்தித்து பேசினார். அரசியல் வட்டாரத்தில் பரபரப்பு அடங்குவதற்குள், அதிமுக முன்னாள் அமைச்சர் செங்கோட்டையனும் டெல்லி சென்று அமித்ஷா மற்றும் நிதியமைச்சர் நிர்மலா சீதாராமனை சந்தித்துப் பேசியதாக தற்போது தகவல் வெளியாகியுள்ளது.
பாஜகவுடன் கூட்டணி இல்லை என்று அதிமுக எப்போதும் கூறி வந்த நிலையில், அதிமுக பொதுச்செயலாளர் பழனிசாமி எதிர்பாராதவிதமாக டெல்லி சென்று கடந்த மார்ச் 25-ம் தேதி மத்திய அமைச்சர் அமித்ஷாவை சந்தித்தார். இது அரசியல் வட்டாரத்தில் பரபரப்பை ஏற்படுத்தியது. தமிழக எதிர்க்கட்சித் தலைவர் என்ற முறையில் மக்களின் பிரச்னைகளை தெரிவிக்கவே மத்திய அமைச்சரை சந்தித்ததாக பழனிசாமி விளக்கமளித்தாலும், 2026 சட்டப்பேரவைத் தேர்தலுக்கான கூட்டணிக்கு இது அச்சுறுத்தலாக அரசியல் வட்டாரங்களிலும், பொதுமக்கள் மத்தியிலும் பார்க்கப்படுகிறது.
பழனிசாமியின் சந்திப்பை தொடர்ந்து தமிழக பாஜக தலைவர் அண்ணாமலையும் நேற்று முன்தினம் அமித்ஷாவை சந்தித்து பேசினார். இந்நிலையில், அதிமுக முன்னாள் அமைச்சர் கே.ஏ. செங்கோட்டையன் அமித் ஷாவையும், மத்திய அமைச்சர் நிர்மலா சீதாராமனையும் ஒரே நாளில் சந்தித்துப் பேசினார். 2026-ல் தமிழகத்தில் கூட்டணி அமைக்க பா.ஜ.க., தீவிர முயற்சியில் ஈடுபட்டு வருகிறது. அந்த திட்டத்தில் முதல் படியாக பழனிசாமியுடன் பா.ஜ.க., கூட்டம் நடத்தியது. அந்த சந்திப்பின் போது 2026 தேர்தல் கூட்டணி குறித்து விவாதிக்கப்பட்டது. இதில், “தேர்தலுக்கு அருகில் கூட்டணி குறித்து முடிவு செய்யலாம். எங்கள் தலைவர்கள் மற்றும் அ.தி.மு.க.,வை தொடர்ந்து விமர்சித்து வரும் அண்ணாமலையை, மாநில தலைவர் பதவியில் இருந்து நீக்க வேண்டும்,’ என, பழனிசாமி வலியுறுத்தியதாக கூறப்படுகிறது.
இந்த கோரிக்கையை தவிர்க்கும் வகையில் மாற்று திட்டத்தை செயல்படுத்த பாஜக முடிவு செய்துள்ளதாக கூறப்படுகிறது. இது தொடர்பாக செங்கோட்டையனை பா.ஜ.க.வினர் டெல்லிக்கு அழைத்துள்ளதாகவும் தகவல் வெளியாகியுள்ளது. பழனிசாமி அனுமதியின்றி செங்கோட்டையன் டெல்லி சென்ற விவகாரம் அரசியல் வட்டாரத்தில் மேலும் பரபரப்பை ஏற்படுத்தியுள்ளது. இது தொடர்பாக ஓமலூரில் செய்தியாளர்கள் எழுப்பிய கேள்விகளுக்கு பழனிசாமி பதிலளிக்கவில்லை. மத்திய அமைச்சர்களை சந்திக்க கடந்த 28-ம் தேதி மதுரை விமான நிலையம் வழியாக செங்கோட்டையன் ரகசியமாக டெல்லி சென்றது தெரியவந்துள்ளது.
அமித் ஷா மற்றும் நிர்மலா சீதாராமனுடனான சந்திப்பின் போது, கட்சி ஒருங்கிணைப்பை விரும்பும் செங்கோட்டையனுக்கு, அ.தி.மு.க., ஒருங்கிணைப்பை தீவிரப்படுத்த, பா.ஜ.க., அறிவுறுத்தியிருக்கலாம் என கூறப்படுகிறது. சமீபகாலமாக பழனிசாமியுடன் செங்கோட்டையன் மோதலில் ஈடுபட்டு வருவதால், 2026 தேர்தலில் பாஜகவுடனான கூட்டணியை பழனிசாமி தடுத்தால், செங்கோட்டையன் தலைமையில் அதிமுகவை அமைப்பது குறித்தும் ஆலோசிக்கப்படலாம் என்றும் கூறப்படுகிறது.
இதுகுறித்து அதிமுக வட்டாரங்களில் கேட்டபோது, ”அ.தி.மு.க.வுக்கு பழனிசாமி தான் சிறந்த தலைவர். செங்கோட்டையன் தலைமை ஏற்க வாய்ப்பில்லை. யாரை கட்சியில் சேர்ப்பது, யாருடன் கூட்டணி அமைப்பது என்பது முற்றிலும் பழனிசாமியின் முடிவு. அதிமுகவை வழிநடத்த செங்கோட்டையனுக்கு தகுதி இல்லை. அனுமதி இல்லாமல் பழனிசாமி மீது நடவடிக்கை எடுக்க வேண்டும்.
