சமீபகாலமாக நாம் தமிழர் கட்சியை சேர்ந்த நிர்வாகிகள் பலர் அக்கட்சியை விட்டு வெளியேறி மாற்று கட்சியில் இணைந்து வருகின்றனர். இந்நிலையில், நாதக மாநில ஒருங்கிணைப்பாளர் ஜெகதீச பாண்டியனும், அக்கட்சியில் இருந்து விலகுவதாக அறிவித்துள்ளார். இது தொடர்பாக அவர் கட்சியின் தலைமை ஒருங்கிணைப்பாளர் சீமானுக்கு எழுதிய 5 பக்க கடிதத்தை தனது எக்ஸ் இணையதளத்தில் வெளியிட்டுள்ளார்.
அதில் கூறியிருப்பதாவது:- கட்சி துவங்கி 15 ஆண்டுகளாகியும், கட்சியின் அமைப்பை கட்டியெழுப்புவதில் நீங்கள் கவனம் செலுத்தவில்லை. எங்களின் கருத்துக்கு நேர் எதிரான சித்தாந்தம் கொண்டவர்கள் உங்களிடம் வந்து ஆதரவளிப்பது கவலையளிக்கிறது. இந்தக் கருத்துகளையெல்லாம் சீமான் மறுப்பார் என்று எதிர்பார்த்தேன். ஆனால் அவர் செய்யவில்லை.
நாதக கூட்டணியில் ஜனநாயகம் இல்லை. வலதுசாரி ஆதரவை சீமான் நிராகரிப்பார் என்று எதிர்பார்க்கப்பட்ட நேரத்தில், பிரசாந்த் கிஷோரை விட பாண்டே புத்திசாலி என்றும் நீங்கள் பைத்தியம் என்று சொன்னவர் மாபெரும் தமிழறிஞர் ஹரிகர ராஜ சர்மா என்றும் முழு முட்டாள் போல் பேசுகிறீர்கள். எனவே, கனத்த மனதுடன் கட்சியில் இருந்து விலகுகிறேன். இவ்வாறு அதில் கூறப்பட்டுள்ளது.
