சென்னை: சென்னை மாநகரம் மற்றும் புறநகர் பகுதிகளில் உள்ள கோயில்களில் நடைபெற்று வரும் திருப்பணிகளின் முன்னேற்றம் குறித்த செயல் அலுவலர்களின் ஆய்வுக் கூட்டம் ஆணையர் அலுவலகத்தில் நேற்று இந்து சமய அறநிலையத் துறை அமைச்சர் பி.கே. சேகர்பாபு தலைமையில் நடைபெற்றது. இக்கூட்டத்தில், இந்து சமய அறநிலையத் துறை அமைச்சர், 50 கோடி ரூபாய் மதிப்பீட்டில் மேற்கொள்ளப்பட்டு வரும் சீரமைப்புப் பணிகள் குறித்து விரிவான ஆய்வு நடத்தினார்.
2024-2025-ம் ஆண்டுக்கான சட்டமன்ற அறிவிப்பின்படி சென்னை மாநகரம் மற்றும் புறநகர்ப் பகுதிகளில் அமைந்துள்ள 115 கோயில்களில் 50 கோடி ரூபாய் மதிப்பீட்டில் மரம், தங்கம், வெள்ளிப் பீடங்கள் அமைத்தல், கோயில் பராமரிப்புப் பணிகள், நில மீட்பு மற்றும் சர்வே பணிகளில் முன்னேற்றம், அறங்காவலர் குழு நியமனம், நீதிமன்றங்களில் நிலுவையில் உள்ள வழக்குகளை விரைந்து முடிக்க நடவடிக்கை எடுக்க அறிவுறுத்தப்பட்டுள்ளது.
அதிகாரிகள் சீரமைப்பு பணிகளை குறிப்பிட்ட காலத்திற்குள் முடிக்க வேண்டும். கூட்டத்தில் இந்து சமய அறநிலையத்துறை ஆணையர் பி.என். ஸ்ரீதர், செயற்பொறியாளர் பொ.பெரியசாமி, கூடுதல் ஆணையர்கள் ந.திருமகள், சி.ஹரிப்ரியா, மாவட்ட வருவாய் அலுவலர்கள் சு.ஜானகி, தி.சுப்பையா, இணை ஆணையர்கள் சி.லட்சுமணன், பி.ஜெயராமன், கே.ரேணுகாதேவி, ஜெ.முல்லை, உதவி ஆணையர்கள் கே.சிவக்குமார், கி.பாரதிராஜா மற்றும் செயல் அலுவலர்கள் கலந்து கொண்டனர்.
