கோவில்களில் யார் எந்த இடத்தில் நின்று வழிபட வேண்டும் என்ற மரபு உள்ளது: ஆதீனகர்த்தர் கருத்து

நாகை நீலாயதாக்ஷி அம்மன் கோவிலில் தியாகேசர் பெருமானுக்கு முசுகுந்த சஹஸ்ரநாம அர்ச்சனை நேற்று நடந்தது. இதில், மயிலாடுதுறை தர்மபுரம் ஆதினம் ஸ்ரீ மாசிலாமணி தேசிக ஞானசம்பந்த சுவாமிகள் கலந்து கொண்டு வழிபட்டார். பின்னர் அவர் நிருபர்களிடம் கூறியதாவது:-

ஸ்ரீவில்லிபுத்தூர் கோவில் தரிசனம் தொடர்பான பிரச்னையை பிரச்னையாக்க வேண்டாம் என இசையமைப்பாளர் இளையராஜாவே கூறியுள்ளார். யார் எங்கே நின்று வணங்க வேண்டும் என்ற மரபு உண்டு. அந்த மரபு பின்பற்றப்பட்டு வருகிறது. நான் இப்போது நாகை நீலாயதாக்ஷி அம்மன் கோயிலுக்கு வந்தபோது, ​​இங்குள்ள சிவாச்சாரியார் எனக்கு பிரசாதம் வழங்கினார். ஒவ்வொருவருக்கும் ஒரு எல்லை உண்டு. இவ்வாறு தருமபுர ஆதீனகர்த்தா கூறினார்.