காஞ்சிபுரம்: தீபாவளிக்கு மறுநாள், நவ., 1-ம் தேதி உள்ளாட்சி தினம் என்பதால், அன்றைய தினம் அரசு விடுமுறை அறிவித்துள்ளதால், கிராமசபை கூட்டத்தை வேறு தேதிக்கு ஒத்திவைக்க, தமிழக அரசுக்கு, ஊராட்சி தலைவர்கள் கூட்டமைப்பு கோரிக்கை விடுத்துள்ளது.
தீபாவளி பண்டிகை அக்டோபர் 31-ம் தேதி கொண்டாடப்படுவதால், மறுநாள் நவம்பர் 1-ம் தேதி வெள்ளிக்கிழமை, நவம்பர் 1-ம் தேதி அரசு விடுமுறை அளித்து தமிழக அரசு உத்தரவிட்டுள்ளது. இந்நிலையில், ஊரக வளர்ச்சி மற்றும் ஊராட்சிகள் இயக்கம், தமிழகத்தில் உள்ளாட்சி தினத்தை நவம்பர் 1-ம் தேதி கொண்டாடவும், கிராமசபை கூட்டங்களை நடத்தவும் அறிவித்துள்ளது.
தமிழக அரசு நவம்பர் 1-ம் தேதியை பொது விடுமுறையாக அறிவித்துள்ளதால், உள்ளாட்சி தினத்தையொட்டி நடைபெறும் கிராமசபை கூட்டங்களில் பல்வேறு துறைகளைச் சேர்ந்த அரசு அலுவலர்கள் பங்கேற்க முடியாத நிலை உள்ளது. மேலும், நோன்பு விழா என்பதால் கிராம வார்டு உறுப்பினர்கள் மற்றும் கிராம மக்கள் கலந்து கொள்ள ஆர்வம் காட்ட மாட்டார்கள்.
கூட்டத்தை நடத்த போதுமான கோரம் இல்லாவிட்டாலும், ஒத்திவைக்க வேண்டிய சூழ்நிலை ஏற்படும். எனவே, காஞ்சிபுரம் மாவட்ட ஊராட்சி மன்றத் தலைவர்கள் சங்க மாவட்டத் தலைவர் எம்.டி. அஜய்குமார், செயலாளர் பொன்னா (எ) வெங்கடேசன் ஆகியோர், உள்ளாட்சி தினத்தையொட்டி, நவம்பர் 1-ம் தேதி நடைபெறும் கிராமசபை கூட்டத்தை, வேறு தேதியில் நடத்த, தமிழக அரசும், தமிழக முதல்வரும் நடவடிக்கை எடுக்க வேண்டும் என, கோரிக்கை விடுத்துள்ளனர்.
