சென்னை: விடுதலை சிறுத்தைகள் கட்சி தலைவர் தொல். திருமாவளவனுக்கு பாஜக மாநில தலைவர் அண்ணாமலை பிறந்தநாள் வாழ்த்து தெரிவித்துள்ளார்.
இது தொடர்பாக அவர் தனது X பதிவில், “விடுதலைச் சிறுத்தைகள் கட்சியின் தலைவரும், நாடாளுமன்ற உறுப்பினருமான திருமாவளவனுக்கு எனது பிறந்தநாள் வாழ்த்துகளைத் தெரிவித்துக் கொள்கிறேன். திருமாவளவன் அவர்கள் நலமுடனும் நீண்ட ஆயுளுடனும் மக்கள் பணி தொடர இறைவனை வேண்டுகிறேன்.
அதேபோல், பாஜக தேசிய மகளிர் அணித் தலைவர் வானதி சீனிவாசன் வெளியிட்டுள்ள பிறந்தநாள் வாழ்த்துச் செய்தியில், “விடுதலைச் சிறுத்தைகள் கட்சியின் தலைவரும், நாடாளுமன்ற உறுப்பினருமான திருமாவளவனுக்கு பிறந்தநாள் வாழ்த்துகளைத் தெரிவித்துக் கொள்கிறேன்.
நல்ல ஆரோக்கியத்துடனும் நீண்ட ஆயுளுடனும் தொடர்ந்து மக்களுக்கு சேவை செய்ய இறைவனை பிரார்த்திக்கிறேன். அவர் கூறினார். நேற்று முன்தினம் விசிக தலைவர் திருமாவளவனின் 62வது பிறந்தநாள் விழா சென்னை தேனாம்பேட்டை காமராஜர் அரங்கில் கோலாகலமாக கொண்டாடப்பட்டது.
