புதுச்சேரி: இதுகுறித்து புதுச்சேரி முதல்வர் ரங்கசாமி இன்று செய்தியாளர்களிடம் கூறியதாவது:-
தீபாவளி பண்டிகையையொட்டி கட்டுமானத் தொழிலாளர்களுக்கு ரூ. 5 ஆயிரம் இந்த ஆண்டு தீபாவளி பரிசாகவும், அமைப்புசாரா தொழிலாளர்களுக்கு ரூ. 1,500 வழங்கப்படும். அரசின் வாடி சாராய ஆலை லாபத்தில் இயங்குகிறது. 2017 முதல் 2021 வரையிலான 4 ஆண்டுகளுக்கு லாப நஷ்டமாக 1.45 கோடி ரூபாய் வழங்கியுள்ளது.
அங்கு பணிபுரியும் ஊழியர்கள் தொடர்ந்து சிறப்பாக பணியாற்ற வேண்டும். தீபாவளியை முன்னிட்டு ரேஷன் கடைகளில் இலவச அரிசி, சர்க்கரை வழங்கப்படுகிறது. பெரும்பாலான கடைகள் திறந்திருக்கும். 30 கடைகள் மட்டும் திறக்கப்படவில்லை.
அந்த பகுதிகளில் உள்ள அங்கன்வாடிகள் மற்றும் பள்ளிகளில் இலவச அரிசியை எளிதாக பெறலாம். தீபாவளியை முன்னிட்டு புதுச்சேரி மக்களுக்கு கான்பெட் மூலம் 10 பொருட்கள் மானிய விலையில் வழங்கப்படும். தட்டாஞ்சாவடி ஒழுங்குமுறை கடை வளாகத்தில் அமைக்கப்பட்டுள்ள விற்பனை மையத்தில் ரேஷன் கார்டுகளை காண்பித்து ரூ.1000 மதிப்பிலான பொருட்களை ரூ.500 மானிய விலையில் வாங்கலாம்.
அந்த 10 பொருட்கள் பற்றிய விவரங்கள் விரைவில் அறிவிக்கப்படும். இவ்வாறு அவர் கூறினார். பேட்டியின் போது அமைச்சர் நமச்சிவாயம், கலெக்டர் குலோத்துங்கன் ஆகியோர் உடனிருந்தனர்.
