மதுரை: மதுரையில் இடைவிடாது பெய்து வரும் மழையால் மாடக்குளம் கண்மாய்கள், அச்சம்பத்து, விராட்டிப்பட்டு கண்மாய்கள் முழுமையாக நிரம்பியுள்ளன. கிருதுமால் வாய்க்கால் வழியாக தண்ணீர் செல்வதால், மதுரை பொன்மேனி தானதவம்புதூர் பகுதியில் உள்ள விவசாய நிலங்களுக்குள் புகுந்து, 60 ஏக்கரில் பயிரிடப்பட்டிருந்த வாழைப்பயிர்களை நாசம் செய்து, கால்வாயில் செல்லும் தண்ணீர், குப்பைகளால் அடைக்கப்பட்டது.
35 ஏக்கர் வாழை விவசாய நிலத்தில் இடுப்பளவு தண்ணீர் தேங்கி உள்ளதால் வாழை பயிர்கள் கருகும் அபாயம் உள்ளதாக விவசாயிகள் கவலை தெரிவிக்கின்றனர். தனதவம்புதூர் பகுதியில் குடியிருப்புகளுக்குள் தண்ணீர் புகுந்ததால் அப்பகுதி மக்கள் சிரமப்படுகின்றனர். மதுரை மாநகராட்சி வார்டு 19-க்கு உட்பட்ட ராகவேந்திரா நகர், பொன்மேனி பகுதிகளில் உள்ள நூற்றுக்கணக்கான குடியிருப்புகளை வெள்ளம் சூழ்ந்து, அகயத்தாமரை செடிகள் மற்றும் குப்பைகளால் அச்சம்பட்டு கண்மாய் அடைப்பு ஏற்பட்டு உபரி நீர் செல்லும் கால்வாய்கள் நிரம்பி வழிகின்றன.
மேலும் தெருக்களில் தண்ணீர் தொடர்ந்து ஓடுகிறது. குடிநீர் வரத்து கால்வாய்களில் ஏற்பட்டுள்ள அடைப்புகளை சீரமைக்கும் பணியில் மாநகராட்சி மும்முரமாக ஈடுபட்டுள்ளது. மதுரை மாநகராட்சியால் தடைபட்ட பகுதிகளை தூர்வாரி, தண்ணீர் பாதிப்பு ஏற்படாத வகையில் சீரமைத்து வருகிறது.
