சென்னை: மலேசியாவின் கட்டுப்பாட்டில் உள்ள தீவு மாநிலமான பினாங்கிற்கு பல்வேறு நாடுகளில் இருந்து நேரடி விமானங்கள் இயக்கப்படுகின்றன. அங்கு ஏராளமான தமிழர்கள் வாழ்ந்தாலும், இந்தியாவில் இருந்து நேரடி விமான சேவை இல்லை. இந்தியாவில் இருந்து குறிப்பாக சென்னையில் இருந்து பினாங்குக்கு நேரடி விமானங்கள் இயக்கப்பட வேண்டும் என்று தமிழர்கள் தொடர்ந்து கோரிக்கை விடுத்து வருகின்றனர்.
இண்டிகோ ஏர்லைன்ஸ் சென்னை – பினாங்கு – சென்னை இடையே தினசரி நேரடி விமான சேவையை இன்று தொடங்குகிறது. சென்னை விமான நிலையத்தில் இருந்து அதிகாலை 2.15 மணிக்கு புறப்படும் இண்டிகோ ஏர்லைன்ஸ் பயணிகள் விமானம் காலை பினாங்கு தீவு செல்லும். பின்னர் பினாங்கில் இருந்து காலையில் புறப்படும் விமானம் காலை 10.35 மணிக்கு சென்னை வந்தடையும்.
இந்த விமானம் ஏர்பஸ் 320 ஆகும், இதில் 186 பயணிகள் பயணிக்க முடியும். சென்னைக்கும் பினாங்குக்கும் இடையிலான பயண நேரம் சுமார் 4 மணி 30 நிமிடங்கள் ஆகும். சென்னையில் இருந்து பினாங்குக்கும், பினாங்கில் இருந்து சென்னைக்கும் கட்டணம் தலா ரூ. 10,000 கட்டணம் நிர்ணயிக்கப்பட்டுள்ளது.
முன்பு சென்னையில் இருந்து பினாங்கு செல்ல வேண்டும் என்றால் மலேசிய தலைநகர் கோலாலம்பூர் சென்று அங்கிருந்து பினாங்கு செல்ல வேண்டும். இதற்கு நிறைய நேரம் எடுக்கும். ஜனவரி 2025-ல், பினாங்கு தனது 8-வது ஆண்டு மாநாடு, கண்காட்சி மற்றும் சாலை நிகழ்ச்சியை நடத்தும். இந்த நேரடி விமான சேவையானது தமிழர்கள் பினாங்குக்கு வருவதற்கு பெரும் உதவியாக இருக்கும்.
